Ke parë në një dyqan këpucët e ëndrrave të tua, fustanin e mbrëmjes, ose një pallto të madhe që është kaq në modë? E provon, shihesh në pasqyrë, bën disa hapa, pyet shitësen dhe shoqen për t’u siguruar në do ta blesh apo do ta kthesh në raft. Bën zgjedhjen e duhur? Para se të marrësh vendimin përfundimtar, ja 10 pyetjet që duhet t’i bësh vetes, që të mos pendohesh pse e bleve!
- Po e blej ngaqë është me zbritje?
Atëherë harroje dhe blije kur të kesh vërtet nevojë.
- Më bën tamam? Është masa ime?
Nëse blen diçka me shpresën se do ta veshësh kur të biesh disa kilogramë, atëherë ji e sigurtë se do t’i harxhosh paratë kot!
- Ndihem mirë kur e kam veshur?
Nëse nuk ta mbush syrin në pamje të parë, harroje. Fakti që është në modë, nuk do të thotë se u shkon të gjithëve.
- Po e blej vetëm sepse është firmë e njohur?
Firma nuk do të thotë asgjë, vetëm sa do të të rëndojë xhepin.
- Po e blej sepse është në ofertë?
5 copë me çmimin e njërës? Përpiqu t’i rezistosh tundimit nëse nuk ke vërtet nevojë.
- Ke rroba të tjera me të cilat mund ta kombinosh?
Mendo shpejt tre komplete që mund të kombinosh! Nëse jo, atëherë lëre.
- Ku do ta vesh?
Nëse ke qëllim të shkosh në ndonjë mbrëmje, ose në tapetin e kuq, atëherë jepi një shans, përndryshe, mund ta lësh aty ku e more.
- Kam vend bosh në dollap? Nuk kam pallto për dimër? Atëherë blije!
Ke dy dhe do të blesh të tretën? Lëre fare dhe shih se çfarë të mungon.
- Ma mban xhepi?
Nëse shpenzimi është aq i madh sa nuk të dlin paratë deri në fund të muajit, as mos e ço fare nëpër mendje.
- E dua me gjithë zemër?
Nëse dyshon dhe nuk ndjehesh 100% e sigurt, atëherë me siguri do të përfundojë e harruar në ndonjë raft.
