Shkëlzen Azemi shumë i kërkuar në dasmat shqiptare. Ka 5 vjet që merret me muzikë. I ri dhe i talentuar që ndiqet shumë dhe kërkohet kudo. Ky është këngëtari Shkëlzen Azemi i cili deri tani ka dy klipe në treg, ndërsa do të donte të kishte edhe një bashkëpunim pse jo me këngëtaren Dhurata Dora. Artisti nga Prishtina njihet edhe për covera që ka realizuar, ndërsa në fillim të shkurtit do të prezantojë albumin e tij të dytë “live”. Njëkohësisht ai ka qenë shumë i angazhuar duke sjellë një super atmosferë nëpër dasmat shqiptare, ku mësojmë se është shumë i kërkuar madje kanë nisur rezervimet edhe për vitin 2017. Këngëtari ka qenë pjesëmarrës edhe në “Shkodra Fest 2” duke shkuar deri në finalen e këtij festivali, ndërsa kanë nisur edhe ftesat e shumta për të qenë në Evropë.
Shkëlzen Azemi, së shpejti me albumin e tij të dytë “live”
