Ditën e diel, u bëmë bashkë: tre pensionistë dhe një djalë. Kërnacka. Raki. Habere. Muhabetin e hapa unë:
-Do tregoj një bëmë nga Parisi…Janë ulur në kafe” Rosant” dy burra. Njeri ka bordello. Tjetri gazetar.
Bisesmeni:- Bordello më del me humbje. Një vit më parë ndërrova kolltuqet. Më keq bilanci. Bleva perde të kuqe. Keq e më keq. Ndërrova abazhurët. Fitimi nën nivelin e detit…
Gazetari:- Ndërro kurvat!
-Mitro! Më mbeti kërnacka në lëfyt.-Foli një ish mësues.- Çështë kjo fjalë “kurva”. Folë shqip: Prostitutat. Kam një vërejte: Pse të flasim për bordellot e Parisit, kur Tirana nuk ka asnjë për be?!
-Je në metro, mo dhaskal?! Vetëm në Bllok, unë di 3 bordello.- Foli djaloshi, që është edhe nipi im.-Ka prostituta nga Moldavia, Rusia, Kenia, Italia a Franca. Ka edhe studente albaneze. Me djersën e ballit nxjerrin ndonjë koqe leku. Së pari. Punohet me telefon.…Alo…dhe të del menazheri I kurvave…Çfarë malli doni? Të huaj apo vendi? Nga vendet e lindjes apo nga perëndimi? Mbi apo nën 20 vjeçare?!…Ok. Ku jeni?…Për 30 minuta vjen taksia me vajzat….Së dyti. Ka disa lokale. Në dukje kafenë. Nën rrogos ka prostituta. Në se u pret kandari, pas kërnackave, hedhim ndonjë lek. Çmimi për të parë një herë Amerikën si pensionist, luhatet nga 50 dollarë deri në 200 dollarë. Çmimi është derivate I moshës. I shërbimeve që kërkon: Thjesht seks. Seks oral. Sekse mes cicave. Sekse një hap para-dy hapa mbrapa. Kohëzgjatja…
-Po luaj nga fiqiri,- foli dhaskali.- Kam lexuar se bordello kishim në kohën e mbretit. Njera ka qënë aqë me famë, sa ende pas 100 vjetëve mileti thotë:” Takohemi tek zogu I zi, në kaptinë të rrugës së Durrësit. Kjo që thoni ju është bordello në të zezë. Pse flë gjumë policia me Tahirin në ballë? Po parlamenti pse nuk gatuan ndonjë ligj, alla ” anti duhan” për prostitutat?
-Parlamenti e ka bërë punën,- ngava muhabetin.- Kanë arrnuar Kodin Penal, duke future këtë nene: Të dënohen me burg prostitutat dhe burrat që paguajnë para për seks jashtë kurorës martesore. Si argumentuan deputetët, vënien e prangave edhe për burrat pa moral? Fakti u mor nga ekonomia e tregut. Pse ka domate në treg,- tha një deputete?- Sepse qytetarët blejnë me para domate. Në se qytarët nuk do të blenin, tregu nuk do të kishte domate. Për llogjikë. Në se burrat nuk do derdhnin para për seks të ndyrë, atëherë nuk do kishte në qarkullim prostituta?! Një deputet, pasi vrënjti vetullat, pyeti: “ Po me kastravecin çfarë ndodh?”… Po të jenë së bashku, domatja dhe kastraveci, formula fuksionon…. Dhe ligji u poq.
-Jo vetëm u poq,- tha avokati I tavolinës,- por policia e qeverisë socialista, po e vë në jetë më fanatazi. Dëgjoni dhe gjykoni një histori të këtyre ditëve Natë. Aksion I policisë Antitrafik. Futen në një hotel buzë autostradës Tiranë-Durrës. Ngjitin një palë shkallë. Shqyejnë një derë. Krim: Në krevat, cip mbi cip një grua 42 vjeçare me një djalë 29 vjeç. Nga hetimi nuk del: Ishte apo nuk ishte fakti brenda. Arsyetimi I policisë? Prostitucion . Gruaja kishte përdorur zogun me para. Të dy në praga. Po pronari? Në procesverbal shkruhet: Nuk dinte gjë. Brenda rrjetit u zbulua edhe një djalë. Ai luante rolin e kodoshit: Gjente vajza! ( Lajmi I plotë është botuar në gazetën “Panorama”. Faqe 13. Data 22 nëntor.)
-Po nga blloku kur do kemi vizita të policisë?
-Policia,- Mitro xhani, – zbaton një treori të Mao Ce Dunit: “Fshati rrethon qytetin”. Morali: Në fillim “krihen” kurvat e periferisë…Minibashkitë. Në fund blloku?!
U ndamë me miqtë. Mbeta me nipin. I thashë:” Si ishte ai muhabeti I klubeve të seksit? Unë vi me dy kushte. Së pari të mbaj syze dielli. Së dyti të lidh një shami në kokë. Tip klandestini…”
Hipëm në makinë…U hap dera. Dy bodigardë na “shëtitën duart” nëpër trup. Futemi brenda. Bir o Mina! Nja pesa gjashtë çupa vetëm me tanga, bënin striptizëm. Kishin ardhur edhe tre mysafire nga Belgjika. Tjetër mall. Më I fisëm…
Zumë vend në tavolinë. Morëm B52. Pas pak, dy llakuriqëse, pa I ftuar, u ulën në karriket bosh. Ishte mungesë takti ti përzinim…Kaq për sot, se e zgjatëm dhe e bëmë tërkuzë…
Shënim: Është lokal I njohur. Me liçencë…Kush nuk beson në haberin tim, le të kujtojë se në një lokal të tillë, Kostandin Xhuvani zbrazi katër herë koburen?!