Ka hapësira ku shkon për t’u kujdesur për pamjen dhe ka vende ku, përveç pamjes, ndryshon edhe mënyra se si ndihesh. Q Centre by Hana është konceptuar pikërisht mbi këtë ide, bukuria si një eksperiencë që nis nga jashtë, por nuk përfundon aty. Pas këtij koncepti qëndron Hana Ameti, një profesioniste që ndërthur botën e bukurisë me atë të ushqyerjes dhe mirëqenies, duke e parë kujdesin për veten jo si një luks të momentit, por si një marrëdhënie që ndërtohet çdo ditë. Për Hanën, “Q” nuk është thjesht një element i identitetit vizual. Është “Queen, Quality, Quintessence” (MBRETËRESHË, CILËSI, ESENCË), një filozofi që vendos gruan, nevojat e saj dhe ndjesinë e saj të mirë në qendër të eksperiencës. Në një kohë kur industria e bukurisë shpesh premton transformime të shpejta dhe ideale të paarritshme, Hana zgjedh një tjetër rrugë: profesionalizëm, personalizim, transparencë dhe rezultate që ndërtohen me kohë. Sepse pasqyra tregon atë që shohim, ndërsa trupi shpesh tregon historinë që qëndron pas saj. Nga kujdesi estetik te ushqyerja, nga vetëbesimi te ëndrra për ta kthyer Q Centre në një brand që mund të shkojë përtej Shqipërisë, Dr. Hana Ameti flet për një vizion ku bukuria nuk matet vetëm me atë që të tjerët shohin, por mbi të gjitha me mënyrën se si një grua mëson ta shohë veten. “Këtu për pak kohë, unë jam në qendër.”
Ndoshta pikërisht kjo është filozofia që përmbledh më mirë historinë e Q Centre by Hana.
-Hana, le të nisim nga emri i oazit tuaj të bukurisë. Çfarëdo të thotë “Q” te Q Centre by Hana? Është një shkronjë me një histori pas saj apo një koncept që përfaqëson diçkatë veçantë për ju?
-Q-ja për mua nuk është thjesht një shkronjë e zgjedhur përestetikë. Është një simbol. E kam lidhur gjithmonë me Queen, jo në kuptimin e njëtitulli, por në kuptimin e mënyrës se si një grua duhet ta shohëveten: me vlerë, me dinjitet, me prezencë dhe me vetëbesim. Por Q-ja ka edhe një dimension tjetër. Është një kujtesë përquality, cilësinë që dua të ketë çdo detaj i eksperiencës. Prandaj, kur një grua hyn në Q Centre, dua që Q-ja të mos jetë thjesht pjesë e logos. Dua të bëhet një ndjesi.
Queen. Quality. Quintessence.
Tre fjalë që për mua përmbledhin shumë nga ajo që dua të ndërtoj.
-Q Centre by Hana, çfarë donit të krijonit kur nisët këtë hapësirë? Një qendër bukurie, një mënyrë të re për t’u kujdesur për veten apo një filozofi të tërë?
-Në fillim mund të dukej si një qendër bukurie. Por shumë shpejt kuptova se ambicia ime ishte më e madhe. Nuk doja të krijoja edhe një vend ku bëhen flokët, fytyra apo trajtime estetike. Doja të krijoja një eksperiencë. Një hapësirë ku një grua të mund të hyjë për një trajtim, por të largohet me diçka më shumë, me energji tjetër, me më shumë vetëbesim dhe me ndjesinë se për një moment ka vendosur veten në qendër. Kjo është arsyeja pse koncepti po evoluon natyrshëm drejt Q Centre, një hapësirë ku beauty, wellness dhe dashuria për veten takohen. Sepse për mua bukuria nuk është një shërbim. Është një mënyrë për t’i thënë vetes: “Edhe unë kam rëndësi.”
-Çfarë e bën Q Centre by Hana ndryshe nga një qendër tjetër estetike? Cili është detaji që ju thoni: “Kjo është ajo që na përfaqëson”?
-Është mënyra si e shohim klienten. Nuk dua që një grua të ndihet si “klientja e radhës”. Dua tëndihet e parë, e dëgjuar, e rëndësishme, unike. Diferenca nuk është gjithmonë te një produkt apo një teknikë. Shpesh është te detajet, mënyra si e pret, mënyra si e dëgjon, mënyra si kupton çfarë i nevojitet dhe mënyra si kujdesesh përtë edhe pasi trajtimi ka përfunduar. Dhe sigurisht, standardi profesional është i panegociueshëm. Por besoj se një eksperiencë premium nuk matet vetëm me atëqë sheh. Matet me atë që ndien. Nëse një grua del nga Q Centre dhe thotë “u ndjeva vërtet e veçantë”, atëherë kemi bërë diçka që na përfaqëson.
-Sot gratë kërkojnë rezultate, por edhe siguri dhe profesionalizëm. Si e ndërtoni besimin e një klienteje qëhyn për herë të parë në Q Centre by Hana?
-Besimi nuk kërkohet, fitohet dhe fitohet duke qenë transparentë, profesionalë dhe tëkujdesshëm me atë që premton. Nuk besoj te premtimet e ekzagjeruara. Besoj te konsultimi, te personalizimi dhe te zgjedhja e trajtimit që i përshtatet realisht personit. Sidomos në një industri ku shpesh shitet ideja e “transformimit të menjëhershëm”, për mua është shumë e rëndësishme që një grua të ndihet e sigurt. Nuk dua t’i shes një gruaje atë që nuk i nevojitet. Dua t’i ofroj atë që i bën mirë. Ky është një ndryshim i vogël në fjalë, por shumë i madh në filozofi.
-Ju jeni edhe nutricioniste. Sa e rëndësishme është për julidhja mes asaj që i japim trupit dhe asaj që shohim në pasqyrë?
Është thelbësore. Trupi ynë nuk e kupton ndarjen që ne bëjmë mes “beauty” dhe “health”. Për të, gjithçka është një sistem. Ushqyerja, gjumi, stresi, hidratimi, hormonet, aktiviteti fizik, energjia që shkëmbejmë dhe kujdesi i jashtëm ndikojnë në mënyra të ndryshme në mënyrën se si ndihemi dhe si dukemi. Kjo është edhe arsyeja pse më duket kaq interesant ndërthurja e dy botëve që unë përfaqësoj. Pasqyra tregon atë që shohim. Trupi shpesh na tregon historinë që qëndron pas saj. Dhe kur i kupton të dyja, kujdesi bëhet shumë më inteligjent.
-A mund të ketë një trajtim estetik rezultat të plotë nëse nuk shoqërohet me një mënyrë të shëndetshme jetese?
-Një trajtim mund të japë rezultat shumë të mirë edhe në vetvete, por rezultatet më të qëndrueshme kërkojnë një bazë të shëndetshme. Është si të kujdesesh për një kopsht: mund të kujdesesh për lulet, por toka duhet të jetë e mirë. Nuk do të thotë se një grua duhet të jetojë në mënyrë perfekte. Përkundrazi, perfeksioni nuk është i qëndrueshëm. Do të thotë të krijosh zakone që mund t’i mbash: ushqyerje e mirë, gjumë, hidratim, lëvizje, menaxhim të stresit dhe kujdes të rregullt. Bukuria nuk ndërtohet në një vizitë. Ndërtohet në mënyrën sikujdesemi për veten çdo ditë.
-Cili është gabimi më i zakonshëm që bëjnë gratë kurkujdesen për fytyrën, trupin apo peshën e tyre dhe që ju e vini re menjëherë si profesioniste?
-Nxitimi, duam rezultate tani. Ndryshimin tani. Trupin tani, lëkurën perfekte tani. E për shkak të kësaj, shpesh kalojmë nga një ekstrem në tjetrin, një dietë e re, një produkt i ri, një trajtim i ri, një rutinë e re. Por trupi nuk funksionon me trendet e Instagramit. Konsistenca është shumë më e fuqishme se perfeksioni. Do të preferoja një grua të bënte pesë gjëra të mira për gjashtë muaj, sesa njëzet gjëra perfekte për gjashtë ditë.
-Në Q Centre by Hana, çfarë kërkohet më shumë sot, transformimi i pamjes apo rikthimi i vetëbesimit?
-Në sipërfaqe, gratë vijnë për pamjen. Por shumë shpesh, ajo që kërkojnë në të vërtetë është ndjesia qëvjen pas saj. Një prerje e re flokësh mund të jetë thjesht një prerje flokësh. Por mund të jetë edhe momenti kur një grua thotë: “Mjaft. Dua të filloj përsëri.” Një trajtim fytyre mund të jetë thjesht kujdes për lëkurën. Por mund të jetë edhe gjysmë ore ku dikush më në fund nuk kujdeset për askënd tjetër, përveç vetes. Kështu që do të thoja, gratё nuk vijnë vetëm për të ndryshuarmënyrën si duken. Shpesh vijnë për të ndryshuar mënyrën si ndihen.
-Ka një moment kur një kliente largohet nga qendra dhe ju e kuptoni se ajo nuk ka ndryshuar vetëm në pamje, poredhe në mënyrën si e sheh veten? Na tregoni një moment që ju ka mbetur në mendje…
-Ka shumë momente të tilla, dhe ndoshta pikërisht ato janë arsyeja pse kjo punë ka për mua një dimension shumë personal. Më ka mbetur veçanërisht në mendje një grua që erdhi për një ndryshim shumë të thjeshtë në pamjen e saj. Në fillim ishte e rezervuar, pothuajse sikur kërkonte falje që po merrte kohë përveten. Pas trajtimit, u pa në pasqyrë dhe ndryshoi komplet shprehje. Nuk ishte transformimi estetik ai që më preku. Ishte mënyra si e pa veten. Aty kuptova edhe një herë diçka që e besoj shumë, ndonjëherënuk kemi nevojë të ndryshojmë aq shumë sa mendojmë. Ndonjëherë na duhet vetëm dikush të na kujtojë se ende mund ta shohim veten me dashamirësi.
-Dhe në fund, ku e shihni Q Centre by Hana pas disavitesh? Çfarë ëndrre të madhe ka Hana për këtë emër që tashmë lidhet me bukurinë, kujdesin dhe mirëqenien?
Ëndrra ime nuk është thjesht të kem një hapësirë më të madheapo më shumë adresa. Dua të ndërtoj një brand. Një emër që kur një grua ta dëgjojë, të mos mendojë vetëm përbukurinë, por për një standard të caktuar kujdesi, cilësie dhe eksperience. E shoh Q Centre të evoluojë, të zgjerohet dhe të krijojë njëkoncept të vetin në fushën e beauty & wellness. Dhe natyrisht, dua që ky koncept të ketë potencial të shkojë përtej Shqipërisë. Por dua të ruaj një gjë, pavarësisht sa shumë rritemi, ndjesinë personale. Sepse mund të ndërtosh një brand të madh me shumë pika në hartë. Por nëse humbet emocionin me të cilin e ke nisur, kehumbur thelbin. Q Centre dua të bëhet një destinacion, jo thjesht një adresë. Dhe nëse pas disa vitesh një grua hyn diku në një qytet tjetër dhe sheh simbolin Q, dua që ta dijë menjëherë çfarë e pret që janë, cilësia, kujdesi, bukuria dhe atë ndjesinë e veçantë që i thotë: “Këtu për pak kohë, unë jam në qendër.”
