Këngëtarja e mirënjohur e muzikës popullore shqiptare të veriut e jo vetëm Lili Gjidodaj, ka festuar datëlindjen. Padyshim një nga zërat më të mirë të muzikës, Lili ka një karrierë fantastike, të cilën e nisi që në moshë të vogël. Për Lilin koha duket se është ndalur dhe vitet për të janë thjesht një numër, teksa vit pas viti, me interpretimet e saj, na dhuron këngë të reja e të bukura.
Lili është një prej këngëtareve të dalluara, jo vetëm në muzikë, por edhe në stilin e paraqitjet e saj në klipe, evente apo kudo ku ka kënduar brenda dhe jashtë vendit!
Ajo në ditën e saj të shënuar ka ripublikuar fotografi, ku shihet shumë e lumtur, foto të postuara nga miqtë ku e paraqesin plot pozitivitet ashtu siç është Lili vetë. Kur biseduam dhe i kërkova ndonjë foto të shkrepur nga mbrëmja e festës së saj tha mes notash humori “Nuk kisha kohë për foto, s’më bëri njeri” 😂 por nuk harroi të na tregonte për projektin e ri në ardhje që do jetë një udhëtim në krijimtari dhe origjinaliteti, cilësi që Lili ka preferuar githmonë t’i ketë kryefjalë. Duke qëndruar tek datëlindja, ajo gjithashtu ka pranuar shumë urime nga miq e kolegë. Ne i urojmë Lilit lumturi dhe pozitivitet ashtu siç e njohim prej vitesh!
