Nëpunësi
Një nëpunës ministrie, i mërzitur me monotoninë, me këmbë mbi tavolinë nis të lexojë gazetën, por ora meazallah se ecën… Atëhere, për ta bërë ditën më me ngjyra, shkon në magazinë dhe nis të kontrollojë nëpër kuti e sirtare. Gjen një llapë dhe nis t’i heqë pluhurin. Si zakonisht, nga llampa del xhindi…
– Meqë më çlirove, do të të plotësoj tre dëshira! – i thotë ai nëpunësit.
Menjëherë, nëpunësi i kërkon: – Dua një filxhan kafe të fortë!
Fap! Shfaqet kafeja.
– Dua të jem në një ishull të Karaibeve, në vilën time, me një grua të bukur që po më jep kënaqësi…
Fap! Gjendet në ishull.
Por, nëpunësi ka edhe një dëshirë të tretë: – Dëshira e fundit që kam është që të mos punoj më!
Fap! E gjen veten sërish në zyrën e ministrisë…
Tek okulisti
– Ju e keni shikimin shumë të dobët! Keni nevojë për tre palë syze… – i thotë okulisti pacientit.
– Po pse tre palë?
– Po, tre palë. Një për të parë nga afër, një për të parë larg…
– Po pala e tretë…
– Për të kërkuar dy të parat!
