– Çfarë e shkakton më shumë aneminë dhe cilat janë ushqimet që duhet të konsumojmë?
– Aneminë e shkakton mungesa e hekurit, përgjithësisht dhe ushqimet që ju duhen për të marrë sasinë e hekurit janë: Mëlçia, mishi i viçit, buka me miell të pasitur, drithëra, vezë dhe fruta të thara.
– Ju lutem, më tregoni ndonjë përbërje për të zbutur lëkurën e duarve se e i kam shumë të thata. Theksoj që kam përdorur lloj-lloj kremërash, por asnjë gjë s’më ka bërë derman. Ndonjë përbërje popullore doja unë më shumë. Faleminderit.
– Para se t’ju përshkruaj një përbërje për të zbutur lëkurën e duarve, do t’ju sugjeroja të bënit një vizitë te një mjek, për të parë nga ju vjen kjo tharje. Më poshtë do t’ju përshkruaj një përbërje që mund ta përgatisni vetë në shtëpi. Merrni një lugë mjaltë, një të bardhë veze, një lugë glicerinë dhe një lugë argjile të bardhë. Merrni një tas dhe hidhni një lugë mjaltë të shkrirë, por jo të nxehtë. Merrni të bardhën e vezës, bashkojeni me mjaltin, shtoni një lugë argjile të bardhë dhe 2-3 lugë glicerinë. Përzieni gjithë përbërësit me radhë dhe me masën e përftuar, masazhoni duart për 5 minuta. Më pas, shpëlajini duart me ujë të vakët dhe fshijini ato me një peshqir të butë. Kjo përbërje, përgjithësisht, ka pasur efekt tek ata që kanë pasur këtë problem me lëkurën e duarve.