Përshëndetje. Unë jam Sandra nga Durrësi dhe kisha një pyetje për shefin e kuzhinës. Doja të dija, si gatuhet një tavë peshku me perime, sepse familjarët e mi i duan shumë perimet dhe doja t’i gatuaja edhe një tavë peshku të shoqëruar me perime. Pres përgjgjie. Faleminderit Sandra.
E dashur Sandra, për ty dhe për amvisat në përgjithësi, do ti sugjeroja që të bënin një tavë peshku me perime, sepse ashtu si peshku edhe perimet, kanë vlera shumë të larta ushqyese dhe është mirë që të shoqërohen me njëra-tjetrën. Gatim i thjeshtë dhe plot vlera ushqyese.
Përbërësit për këtë gatim janë:
Levrek 1 kg
Qepë e njomë 2 copë
Patate 700 gr
Pomodorini 10-15 kokrra
Karrota 3-4 mesatare
Hudhër 2-3 thelpinj
Kripë
Piper
Vaj ulliri
Selino
Verë e bardhë
Përgatitja:Fillojmë përgatitjen duke pastruar peshkun nga luspat dhe pjesën e barkut. Fillojmë njëkohësisht edhe me përgatitjen e perimeve duke nisur me pastrimin e tyre. Presim pataten në formë gjysmërrethi, trashësi të vogël për efekt pjekjeje më të shpejtë. Po kështu, veprojmë edhe me karrotën. Më pas, marrim leëvrekun dhe e marinojmë me kripë, piper, vaj. Shtojmë perimet me radhë, patate, karrotë, qepë, pomodorini, thelpinjtë e hudhrës, selinonë dhe i vendosim në furrë në një temperaturë 250 gradë për rreth 30-35 minuta…
(Këtë shkrim mund ta lexoni të plotë në gazetën “Intervista” të kësaj jave. Atë mund ta blini në të gjitha pikat e shitjes në Shqipëri si edhe në kioskat ku shitet shtypi i huaj në Greqi. Mund ta blini edhe online, vetëm për 89 cent, në: http://www.pressreader.com/albania/intervista)
