Bianca, ky është emri që duhet të fiksoni sepse do mbahet mend gjatë. Sapo ka sjellë një bashkëpunim me titull “Dashni je” dhe më besoni Biancën nëse e takoni është vërtet dashni…! Njihuni më shumë me të…!
-Bianca, çfarë e bën të veçantë një prurje tënden në gjithë këtë lëmsh këngësh, klipesh, këngëtarësh…
– Shumë mirë e the, është një lëmsh i vërtetë, por kjo nuk më pengon aspak të sjell diçka të re e të veçantë. Sapo kam publikuar këngën “Dashni je” më bashkëpunim me Shpat Kasapin dhe produksion të Gramoz Kozelit e Don Production. Shpresoj t’ju ketë pëlqyer.
– Çfarë e ke patur gjithnjë pikë të dobët në këngët e tua?
– Në çdo material që kam punuar kam insistuar gjithmonë që melodia dhe teksti të krijojnë një gjëndje të veçantë te publiku.
– Ka momente që kur mendon me veten, thua se nëse do riktheheshe mbrapsht, shumë gjëra do t’i bëje ndryshe?
– Ka disa momente kur mendoj që do kisha vepruar ndryshe në lidhje me disa persona që e shohin artin vetem si mënyrë për të fituar mbi çdo kriter etik dhe moral.
– Kujt ia pranon me kënaqësi kritikat?
– Kritikat i mirëpres nga secili, që nga njerëzit që janë dëgjues të thjeshtë, deri tek ata që janë kritikë të mirëfilltë të muzikës. Kritikat më japin mundësi të përmirësohem.
– Çfarë ka të bukur dhe çfarë negative në faktin që je pjesë e botës së muzikës?
– Të bukur ka faktin që e sheh se njerëzit kanë vlerësuar punën tënde. Negative pastaj është pjesa që duhet të jesh i rezervuar, qoftë dhe në diçka që shpreh apo bën spontanisht sepse mund të keqinterpretohet.
– Çfarë do të ishte një e papritur e bukur për ty në këtë moment?
– Heee nuk e di…. Së shpejti kam projektin e ri kështu që, më mirë s’po flas. Kemi verën përpara kështu që le të buzëqeshim…!
– Një ofertë që nuk e ke pranuar në një moment dhe tani të ka mbetur peng?
– Nuk më ka mbetur peng asnjë ofertë sepse çdo vendim që marr, është i mirëmenduar.
– Nëse do të identifikoheshe me një aromë, cila do të ishte ajo?
– Jasemini. (Buzëqesh)
– Ke frikë mos koha të ndryshon?
– Nuk frikesohem aspak, është një cikël i natyrshëm.
– Arrin t’i menaxhosh mirë kohën dhe veten tënde?
– Mendoj se arrij t’i menaxhoj mjaftueshëm.
– Çfarë ka fuqinë të të përfshijë emocionalisht?
– Në gjithçka që bëj mundohem të përfshihem 100 përqind .Jam natyrë që nuk bëj kompromise pothuajse kurrë dhe si pasojë, prekem nga shumë gjëra.
– Të tremb largësia?
– Nuk më tremb, por më merr malli.
– Sukseset janë në proporcion të drejtë me punën, fatin, apo këmbënguljen?
– Jam e mendimit se njeriu e krijon fatin e tij vet, kështuqë, puna dhe përkushtimi të japin dhe suksesin.
– 5 gjërat që ke vendosur në listën e gjërave për t’u bërë deri ne fund te ketij viti?
– Kam shumë gjëra që kam në mendje t’i bëj deri ne fund te këtij viti, por i marr natyrshëm, nuk i bëj me plane kaq strikte!
– Ka shoqe që të shohin me “bisht të syrit”?
– Kam me shume kolege dhe shoqet i numeroj me gishtat e njerez dore.Prandaj, shoqe me mire pak e sakte se shume e per lume 😉
– Çfarë nuk do t’i falje kurrë një personi që të njeh mirë?
– Në përgjithësi njerëzit fallco, që lëpihen, nuk i duroj dot.
– Më thuaj diçka të këndshme që do të doje që dikush të bënte për ty?
– Çdo gjest i bërë me dashuri, do ishte i këndshëm.
– Nëse ke nevojë për një përqafim, nga kush e kërkon?
– Nga njerëzit e mi të dashur.
– Çfarë do të doje të të ndodhte nesër?
– Te jetoja te sotmen, bashkë me familjen, e kam të shenjtë!
