– Doja të pyesja një nga mjekët tuaj. Cikli menstrual, herën e fundit më ka zgjatur më shumë se 10 ditë. Unë gjithmonë kam patur cikël menstrual të rregullt, normalisht, më kanë zgjatur 5 ditë dhe kjo është hera e parë që më kanë zgjatur kaq shumë. Pres një përgjigje.
– Kohëzgjatja e mestruacioneve është nga 1-7 ditë për ciklet 28 ditëshe, por ka që u zgjasin edhe 3 ditë, 4 ditë, apo 5 ditë, dhe gjer në 7 ditë, që është normale, nuk ka gjë për t’u shqetësuar. Në rastin tuaj konkret, duke qenë se gjithmonë keni patur cikël normal dhe është hera e parë që ju ndodh, mund të keni patur shkaqe të jashtme ose të brendshme, stres në punë gjë e cila ndikon, çrregullim hormonal, ose ndonjë acarim të tiroides. Shkaqet mund të jenë të ndryshme. Nëse edhe në ciklin pasaardhës do të keni të njëjtin problem, do t’ju këshilloja një vizitë te gjinekologu. Vetëm kështu do të merrni vesh shkakun dhe të shikoni nëse keni nevojë për mjekim.
