– Përshëndetje gazeta Intervista, unë jam një lexuese e rregullt e cila dua të mbetem anonime. Kërkoj një mendim nga lexuesit e gazetës tuaj. Jam e martuar prej 5 vitesh me shkuesi, kemi dhe një vajzë bashkë. Nuk ndjej aspak dashuri për tim shoq edhe pse jam munduar në të gjitha mënyrat e mundshme ta dua, ai as që mundohet të më afrohet të kujdeset për mua apo të më dojë. Ai nuk është se ka tjetër por është shumë i ftohtë ose ndoshta nuk di sesi ta shpreh atë që ndjen. Asnjëherë nuk më kushton vemendje. Çfarë do që bëj për të, atij nuk i duket e mjaftueshme gjithmonë ka diçka për të thënë vetëm për tu zënë. Jam munduar ti flas që mardhënia jonë të ketë sadopak ngrohtësi në mes, por pa asnjë rezultat, asnjë koment apo reagim nga ana e tij. Nuk di si t’ia bëj. Jam lodhur duke u munduar ta dua apo ta bëj të më dojë. Kemi dhe tipe të ndryshme. Unë jam gjithmonë e qeshur, në humor, punoj, kam shumë shoqe. Ai tepër serioz asnjeherë nuk e shikon të buzëqeshë. Vetëm punon nuk do të dalë, ska shoqëri. Shumë herë i kam folur për këtë temë që më bezdis që të ndryshojë por sërisht e njëjta gjë. Po të isha e shëmtuar do ta kuptoja arsyen e tij por sinqerisht nuk e kuptoj dhe as që e kam idenë se çfarë të bëj me të. Ju lutem më jepni një mendim?
