Përbërësit:
2 petë sfoljat,
400 gramë gjoks pule me copëza,
2 qepë,
1 grusht ullinj pa fara,
1 grusht arra,
kripë, piper,
2 lugë vaj.
Përgatitja:
Në një tavë të lyer me vaj, shtrojmë një petë sfoljat. Ndërkohë, kavërdisim qepën e prerë hollë, shtojmë copat e pulës, arrat, ullinjtë dhe e rregullojme me kripë e piper. E lëmë të ftohet dhe e hedhim përgatitjen mbi petën e shtruar, e hapim në mënyrë uniforme dhe e mbulojmë me petën tjetër, duke i mbyllur mirë anët. E fusim të piqet në 180° derisa sfoljati sipër të bëhet i kuqërremtë.
Është gati për t’u shijuar.
P.S. Ky byrek mund të bëhet shumë mirë me copat e pulës apo gjelit të detit të mbetur nga darka e Vitit të Ri. Ne këtej nga Përmeti, kështu e kemi zakon, po e bëjmë me vezë e djathë dhe pa qepë dhe pa arra. Fusim edhe një monedhë brenda byrekut dhe e konsumojmë në drekën e 1 janarit, duke shpresuar të na bjerë leku. Sigurisht që petët i bëjmë vetë (i pjekim përpara), por mund të bëhet edhe me të gatshme, për kollajllëk.
(Gazetën “Intervista”, të plotë, mund ta blini online, që ditën e daljen në treg, vetëm për 89 cent, në: http://www.pressreader.com/albania/intervista)
