– Dr. Mira, në këtë periudhë më bllokohen shumë hundët. Përdor nga ato lëngjet që hidhen në hundë dhe kam përgatitur edhe barna popullore, por s’kam ndonjë përmirësim. Ose më zhbllokohen në moment dhe më pas vazhdon e njëjta gjë. Çfarë mund të jetë kjo gjë, a ka ndonjë ilaç për to? U bënë 2 vjet që vuaj kështu…
Dr. Mira Xhixha, alergologe: – Problemi për të cilin shkruani, është një shqetësim shumë i madh, sidomos kur zënia e hundëve është e përditshme. Duke u nisur nga fakti që ju keni dy vjet me të njëjtin shqetësim, më duhet t’ju them se duhet të kishit bërë një konsultë me mjekun alergolog për të gjetur apo përjashtuar një alergji të mundshme. Në rastin tuaj, mund të keni alergji nga polenet e pranverës. Ky mund të jetë dyshimi i parë. E them këtë, duke qenë se ju rëndoheni më tepër në pranverë. Një diagnozë alergjike do ta lehtësonte mjaft gjendjen tuaj prandaj mos nguroni dhe shkoni e vizitohuni.
Advertisement