– Jam i lidhur prej kohësh me një femër, të paktën prej 2 vjetësh dhe kemi patur marrëdhënie të rregullta. U bë një muaj që më është ftohur, thotë “nuk më bëhet seks”. Si ta kuptoj këtë gjë?
– Pyetja juaj i shkon më për shtat t’ia bëni vetes në radhë të parë, të dashurës, së dyti dhe nëse keni ndonjë problem, të flisni me një psikolog. Sqarimet tuaja janë të shkurtra për t’ju dhënë një përgjigje të saktë. Mund të jetë ftohur, mund të jetë e stresuar, mund të ketë ndonjë problem shëndetësor, ndoshta kërkon diçka zyrtare nga ana juaj. Pra, mund të jenë shumë arsye, por atë të vërtetën mund ta zbuloni vetëm ju, duke folur hapur me partneren tuaj dhe duke i kërkuar arsyen e saktë, pa u irrituar apo imponuar, por duke u përpjekur që ta kuptoni.
– Nëse partneres sime i pëlqen të bëjë seks kur është me menstruacione, a mund të bëj apo është e rrezikshme?
– Nëse nuk keni probleme shëndetësore si ju, ashtu edhe partnerja dhe mbani higjienë maksimalisht shumë të lartë, edhe mund të bëni mardhënie seksuale përderisa jua kërkon vetë ajo. Shumë meshkuj dhe femra e kanë siklet të bëjnë marrëdhënie ato ditë sepse është e sikletshme, për shumë femra mund të jetë e dhimbshme, plus rreziku i infeksioneve është më i madh, por ka edhe femra që dëshirën për seks e kanë të madhe në ato ditë. Përderisa i pëlqen dhe ju nuk jeni kundra, mund të bëni seks. Kjo nuk është e rrezikshme për sa kohë mbroheni dhe keni higjienë të lartë intime.