Shkencëtarët kanë përpunuar një test të ri, nëpërmjet të cilit mund të zbulohet që në tre muajt e parë të barrës nëse fëmija është i shëndoshë, apo i sëmurë me sindromin Daun. Testet ekzistuese e japin një mundësi të tillë vetëm në javën e 17.
“Ky është një zbulim i madh që do të ndihmojë në zgjidhjen e shumë problemeve që kanë të bëjnë me shtatzaninë në përgjithësi”, deklaroi Fergan Melloun, shkencëtar në Kolegjin kirurgjikal te Dublinit dhe përgjegjës i këtij studimi, të cilit iu nënshtruan 38000 gra amerikane. Atyre iu bënë analizat e gjakut dhe të gjitha iu nënshtruan procedurave shkencore me anë të ultratingujve, që japin mundësi për të zbuluar që në javët e para emibrionale nëse fëmija zhvillohet normalisht apo ka devijime gjenetike. Epërsia kryesore e këtij testi qëndron në faktin se ai u jep mundësi grave të vendosin nëse duhet ta vazhdojnë barrën.
Ndërkaq, shkencëtarët amerikanë të Universitetit te Kalifornisë kanë arritur në përfundimin se barra nuk duhet përsëritur në rast se burri është mbi 50 vjeç, pasi mund të lindë përsëri një fëmijë me sindromin Daun ose me difekte në ekstremet e trupit të tij. Sperma e meshkujve me predispozita për të lindur fëmijë të tillë, grumbullon disa substanca “të turbullta”, që paraqesin rreziqe për devijime gjenetike. Kërkimet e reja të epidemiologëve të këtij universiteti tregojnë se te meshkujt mbi 50 vjeç rritet afro katër herë mundësia për të lindur fëmijë me sindromin Daun.