Pas përmirësimit të shëndetit, Shpëtim Saraçi do t’i rikthehet muzikës, si pjesë e stafit të “The Voice Albania” në Top Channel. “Kënqësi e madhe të rikthehem në punë, të jem pjesë e stafit të The Voice of Albania në Top Channel. Pa asnjë diksutim, ekrani më modern shqiptar! Falënderimet më të mëdha për të madhin Zot që më mbajti në jetë e për ju që më mbështetët në ditët më të vështira. Ju detyrohem gjithë jetën”, është shprehur kompozitori i njohur. Para ca kohësh, kur ai u sëmur dhe u nis drejt Gjermanisë me një fije shprese për të shpëtuar, për një moment u duk sikur do të duhej një mrekulli, por ja që Zoti është i madh dhe bën që mrekullitë të ndodhin çdo ditë, ndaj tani Shpëtimi gëzon sërish pranë familjes, personave të afërt dhe fansave të cilët do të kenë mundësi ta shohin sërish në skenë. Të shkuara, Shpëtim!
Advertisement