Rikthehet me baladë Leonora Jakupi

Këngëtarja e mirënjohur nga Drenica, Leonora Jakupi, sapo ka sjellë për publikun projektin e saj më të ri me titull “Pa asnjë dyshim”. Ndryshe nga projektet e mëparshme të këngëtares, kënga është një baladë mjaft emocionale, ku këngëtarja i shpreh partnerit gjithë sakrificat që ajo ka bërë për dashurinë e tyre, dhe për asgjënë që ka marrë në shkëmbim. Materiali muzikor është një krijim i kompozitorit Alfred Sula, me vargje nga Endrit Mumajesi. Nga pamjet e videoklipit të këngës, kuptohet që këngëtarja e ka xhiruar këtë videoklip në Firence, Itali. Jakupi u bë e njohur për publikun shqiptar gjatë luftës së Kosovës, me këngën e saj “A vritet pafajësia?” Ju urojmë dëgjim të këndshëm!