Një listë e gjërave më të këqija që mund të bëni në shtrat, ose anti-guida e atyre që duan të bëhen bomba seksi.
- Keni ngecur në rutinë
Nuk flasim këtu për alarmin që bie çdo ditë në të njëjtën orë dhe dobësinë tuaj për çajin jeshil, por për rutinën seksuale, plot me gjëra të përdorura dhe ripërdorura, që i paralizon pak marrëdhëniet tuaja. E merr gjithmonë ai nismën, fillon gjithmonë me duart dhe përfundon gjithmonë në të njëjtin pozicion? Pak rëndësi ka se kush bën çfarë i pari, e rëndësishme është ta befasoni tjetrin dhe të ndryshoni mekanizmin që sjell kënaqësinë. Për shembull, provoni të bëni dashuri në një vend tjetër, përveç shtratit.
- Keni komplekse për trupin tuaj
Rregulli numër një: Kurrë mos tërhiqni vëmendjen e një djali mbi një nga pjesët e trupit për të cilat keni kompleks. E para, ka 90% shanse që ai të mos e ketë vënë re dhe e dyta, mos e futni veten në telashe. Duke urryer dhjamin e barkut, të pasmet e mëdha dhe gjoksin që nuk sfidon më ligjin e rëndesës dhe duke folur vetëm për këtë, do ta ktheni në fiksim. Me kalimin e kohës do të bindni edhe partnerin dhe, duke menduar shumë për trupin tuaj, do të harroni të tijin. Gjithë kjo situatë nuk është fare seksi.
- Ju mungon spontaneiteti
Ju i keni lejuar atij të bëjë vetëm dy-tre gjëra, me kufij të përcaktuar qartë dhe ai duhet të bëjë si të bëjë me to. Ju nuk rrezikoni kurrë dhe gjithmonë bëni dashuri njësoj. Në vend që të përqendroheni tek ajo që ai bën, përqendrohuni më mirë te ndjesitë që ju sjell.
- Nuk ju pëlqen intimiteti
Juve nuk ju pëlqen të rrini lakuriq para tij, të bëni dush së bashku, të rrini lakuriq në shtrat… Megjithatë, pa këto detaje të vogla që i japin më shumë shije aktit në vetevete, dashuria fizike duket e vakët.
- Nuk e pranoni kënaqësinë tuaj
Megjithëse jeni gati të bëni shumë gjëra në shtrat për të, futeni në panik kur vjen fjala për ju. Pranojeni se edhe ju keni të drejtë të kënaqeni dhe thuajani partnerit se nuk e arrini dot orgazmën për pesë minuta, çfarëdo gjëje të bëjë ai…
- Keni frikë se mos shqetësohen fqinjët
Është qesharake, lëreni veten të lirë, bërtitni e gërthisni, le të dridhen muret. Kështu, partneri juaj do të jetë më i kënaqur dhe i eksituar. Në rastin më të keq, ata do t’ju fusin një pusullë poshtë derës në mëngjes. Fqinjët do ta marrin veten shpejt; ju gjithashtu.
- Shqetësimet e përditshme i merrni me vete ne shtrat
Kjo është ideja më e keqe në botë, të sjellësh në shtrat shqetësimet e ditës. Konsiderojeni dhomën e gjumit si një tempull të shenjtë të kënaqësisë suaj, intimitetit, seksualitetit. Nuk bëhet fjalë ta fusni stresin nën mbulesa si një gjarpër të shpifur dhe të largoheni nga partneri. E kuptojmë që është e vështirë për t’u realizuar, por pak më e lehtë, kur ke besim te dëshira e tjetrit.
- Ju bëni si yll deti
Me një fjalë, ju qëndroni pasive, pa bërë asgjë dhe pritni gjithçka nga tjetri. Kush është ai që do të bëjë dashuri me dikë që nuk bën asnjë përpjekje? Baza e marrëdhënies seksuale janë dy qenie që kanë rënë dakord për këtë. Atëherë, pak përpjekje, psherëtima dhe lëvizje për të treguar pranimin tuaj, janë të domosdoshme dhe të vlerësuara nga tjetri.
- Jeni maniake
Ç’të themi për këtë? Veshjet e hedhura andej-këtej nuk mblidhen dhe rregullohen para se të vijë mëngjesi, të paktën. E njëjta gjë vlen edhe për çarçafët, që nuk ia vlen t’i ndërroni çdo ditë. Kjo vlen edhe për ata ose ato që vrapojnë të bëjnë dush pasi kanë bërë seks, menjëherë pas orgazmës, para se të kesh kohë të thuash “uf”. Duket sikur seksi ua shpif.
- Jeni shumë brutale
Këtu kemi për të thënë vetëm një fjalë: Aj!
- Nuk dini të vini një prezervativ
Jemi në vitin 2015, një vajzë e emancipuar dhe e zonja duhet të dijë të vërë një prezervativ, me elegancë bile.
- Ju bëni seks vetëm me raste
Për Krishtlindje, Vit të Ri, ditëlindje, ovulim, kur nuk i keni fëmijët në shtëpi… Çfarë ka mbetur? Shihni kalendarin dhe mendoni se çdo ditë ka shenjtin dhe festën e saj. Nuk po ju themi të bëni seks çdo ditë, por ta bëni çdo ditë një festë sensuale. Edhe nëse nuk kaloni në veprim, ju bën mirë të flirtoni.
- Jeni e dashuruar me veten tuaj
Keni shansin të jeni një modele, me trup prej nimfe dhe fytyrë engjëllore. Megjithatë, kur bëni dashuri, ju i kushtoni vëmendje veç vetes, llogaritni çdo gjest dhe çdo përkulje për të qenë në majë të bukurisë dhe seks-apilit tuaj. Kjo është jo vetëm fallco, si një foto në Instagram, por dyshojmë nëse e arrini vërtet orgazmën. E dimë të gjithë, një partnere e mirë është thjesht një vajzë që di edhe të marrë, edhe japë kënaqësi.
Të reja
Tradhtia: Cili është ndryshimi mes dy sekseve?
Një studim i kohëve të fundit tregoi se çereku i burrave dhe 15% e grave kanë pranuar se kanë pasur marrëdhënie jashtëmartesore, por kjo nuk është shifra e vetme që tregon ndryshimin ndërmjet dy sekseve.
– 78 % e burrave deklarojnë se tradhtia në çift është e palejueshme, ndërkohë që te gratë, kjo shifër është edhe më e madhe, 84 %.
– 25 % e burrave dhe 15 % e grave pranojnë se kanë bërë seks jashtë martese. Megjithatë, duke pasur parasysh se njerëzit nuk i rrëfejnë lehtë këto gjëra, qoftë edhe në mënyrë anonime, supozojmë se shifra është më e lartë.
– Sipas një studimi të bërë në vitin 2010, gratë kanë 40 % më shumë gjasa të arrijnë në tradhti në ditët tona, në krahasim me 20 vjet më parë. Specialistët e shpjegojnë këtë kryesisht me faktin që gratë janë gjithnjë e më shumë në gjendje pune dhe shumë profesione kërkojnë nga gratë që të udhëtojnë, kështu që ato bien më lehtë në tundim.
– 92% e burrave pranon se shkaku i tradhtisë nuk ka të bëjë me seksin, sepse arsyet që i shtyjnë më shpesh të tradhtojnë partneren e tyre janë kryesisht emocionale, si mungesa e komunikimit, ose mungesa e konsensusit dhe vlerësimit që kanë nga partnerja.
– 88% e burrave nuk e kanë tradhtuar partneren me dikë më joshëse ose me trup më të mirë. Ndërkohë, ata që konsiderohen në përgjithësi më joshës, qoftë për shkak të kulturës, parave, apo pamjes së jashtme, kanë më shumë gjasa të tradhtojnë.
– 55% e burrave ose vazhdojnë të thonë gënjeshtra, megjithëse është zbuluar tradhtia e tyre, ose vazhdojnë të bëjnë sikur nuk ka ndodhur kurrë.
– 50% e burrave deklarojnë se do ta falnin partneren nëse do t’i tradhtonte me një grua tjetër, por vetëm 22% do ta bënte po t’i tradhtonte me një burrë tjetër. Përsa u përket grave, 21% thanë se do t’i falnin burrat po t’i tradhtonin me një burrë tjetër, ndërsa, por të ishte grua, shifra do të arrinte në 28%. Ekspertët mendojnë se mbase kjo diferencë shkaktohet nga fakti se burrave u duket shumë joshëse lidhja erotike mes dy grave. Njëkohësisht, një lidhje e tillë nuk do të sillte një shtatzani të mundshme.
