Peshëngritësi Briken Calja është shpallur kampion në stilin e shkëputjes në Uzbekistan, ku po mbahet Kampionati Botëror. Ai ia doli të ngrejë 156 kilogram, duke lënë mbrapa rivalin nga Tajlanda. Fillimisht, gjithçka nisi me peshat 152 dhe 154 kg, në të cilat ia doli me sukses. Ky rezultat është një arritje e madhe për Shqipërinë, me përfaqësuesit e vendit tonë që po bëjnë mirë edhe në arenën ndërkombëtare.
Erkand Qerimaj zuri vendin e katërt në stilin e shkëputjes. Qerimaj dështoi në provën e parë me 150 kg dhe në të dytën me 153 kg. Gjithsesi, në të 3-tën (153 kg) bëri gjithçka mirë. Rikujtojmë edhe një herë se Evangjelia Veli e Tiranës mori vendin e katërt pardje në shkëputje, por pa arritur dot kualifikimin.