Jam një ndjekës i gazetës tuaj por ju ndjek edhe online dhe më pëlqen që i kushtoni rëndësi gatimit. Kërkesa ime për ju është kjo që do t’ju them tani që ka të bëjë me dëshirën time që të botonit një recetë me produkte deti krudo, pra një pjatë me të cilën në një darkë të këndshme të dal faqebardhë si i thonë një fjale. Faleminderit dhe pres recetën tuaj. Enisa
Përgjigjet Emanuela e Restorant “Il Tipico”, Rr Johan Fon Han (Tefta Tashko) në krah të gjimnazit “Ismail Qemali” Tiranë, +355 (0) 42370592, 0689049531:- E dashur Enisa, faleminderit që na ndjek Ne kemi botuar receta të ndryshme të krudove dhe këtë herë për ty kemi zgjedhur skampi krudo, të cilat janë produkte deti sa të shijshme dhe të ushqyeshme po aq edhe të thjeshta për t’u gatuar. Për të përgatitur këtë pjatë të duhen këta përbërës:
Skampi 500 gr
Vaj ulliri ekstra i virgjër
Majdanoz
Kripë
Shegë
Limon
Përgatitja:
Marrim skampin dhe pasi e pastrojmë e vëmë në abatitor ose në frigorifer tek pjesa ngrirëse për 10 minuta dhe më pas e vëmë në pjatë. I shtrydhim sipër limon, i hedhim vajin e ullirit dhe e dekorojmë me fletë limoni, shegë dhe majdanoz. Pjata është gati. Ju bëftë mirë!