– Përshëndetje Dr. ne që po ju shkruajmë jemi një çift prindërish nga Tirana dhe kemi një fëmijë quhet Andi dhe është 14 vjeç. Që prej 4 vjetësh vuan nga një sëmundje e Tiroides që quhet Tiroidit Kronik. Ne jemi shumë të shqetësuar për problemin e tij ndaj duam të dimë diçka më shumë rreth kësaj sëmundje?
Dr. Dashamir Gjergji, Doktor i Shkencave Mjekesore, Endokrinolog-Diabetolog, Spitali Amavita, Rruga Pjetër Budi, 75/3, Tiranë:- Përshëndetje! E kuptoj shqetësimin tuaj si prind dhe si mjek. Për pjesën e parë do t’ju këshilloja të mos merakoseni shumë sepse për fat të mirë semundja është diagnostikuar dhe besoj ka filluar mjekimi. Për pjesën tjetër atë profesionale nga eksperienca dhe përvoja ime 20 vjeçare në këtë fushë, ju siguroj që djali juaj do rritet dhe do ketë një jetë normale në të gjitha aspektet. Ju duhet ta adresoni shqetësimin tuaj tek specialisti endokrinolog, që ka kompetencën teë gjykojë rreth terapisë. Arsyeja e kësaj sëmundje është kryesisht ambiental, ku gabimisht sistemi imunitar yni dëmton gjendrën tiroide. Një gjendër e dëmtuar herët a vonë humbet funksionin. Mjekimi synon të kompensojë humbjet apo bjerrjen funksionale të tiroides! Ju uroj gjithë të mirat!