Përshëndetje gazeta, përshëndetje këndi i kuzhinës. Do kisha dëshirë që të botonit një recetë me një karkaleca dhe kunguj. Nuk e di se cila do ishte e përshtatshmja për mua që nuk gatuaj shpesh por do doja diçka të shijshme dhe jo shumë të komplikuar. Faleminderit, Ersa
Përgjigjet Emanuela e Restorant “Il Tipico”, Rr Johan Fon Han (Tefta Tashko) në krah të gjimnazit “Ismail Qemali” Tiranë, +355 (0) 42370592, 0689049531:- E dashur Ersa, faleminderit që na ndjek dhe sigurisht që do të gjejmë një zgjedhje të pëlqyeshme për kërkesën tënde. Ne do të sugjeronim një recetë me karkaleca, kungull dhe pomodorini. Për të realizuar këtë recetë të duhen këto përbërës:
Karkalecë 8 copë
Kungull 150 gr
Pomodorini 5 kokrra
Majdanoz
Djath grana
Kripë
Përgatitja:
Marrim karkalecin të cilin e kemi pastruar më parë, presim kungullin dhe pomodorinit në gjysma. Vendosim në zjarr një tigan dhe shtojmë karkalecat të cilat i kavërdisim dhe më pas i shuajmë me verë. Shtojmë kungullin, pomodorinin dhe pas ii kavërdisim, i shtojmë një garuzhde me ujë. Shtojmë kripë dhe i lëmë për 15 minuta derisa masa të lidhet. E vendosim në pjatë dhe i hedhim djath dhe majdanoz. Pjata është gati. Ju bëftë mirë!
