Më vdiq bashkëshortja
Jam një zotëri 41 vjeçar. Kam parë në ëndërr para një muaji sikur më kishte vdekur bashkëshortja. Në ëndërr qaja shumë dhe më pas më doli gjumi . Në jetën reale unë punoj në Greqi dhe ëndrrën e kam parë kur isha në shtëpin time në Shqipëri. Kur më doli gjumi gruaja ishte mirë. Çfarë domethënie ka kjo?
Prezenca e një arkivoli është tundimi i një mundësie për t’u shkëputur pak nga detyrimet familjare. Ju jeni në distancë me gruan dhe e kaloni kohën me shoqërinë apo njerëz të tjerë kurse ajo ju pret se çfarë do dërgoni. Ndonjëherë këto gjëra harrohen ndaj dhe ëndrra jep mesazhin që ju ta merrni gruan me vete dhe mos të qëndroni më të ndarë. Sado ju mund ta ndihmoni distanca ka efektet e saj negative. Dhe mesazhi i kësaj ëndrre është që dalëngadalë po largoheni nga njëri-tjetri ndaj gjeni mundësinë të bashkoheni bashkë.
Lepuri i bardhë
Jam një vajzë 16 vjeçare dhe kam parë në ëndërr sikur isha në shkollë dhe jashtë në oborr ishte një pako me lule dhe brenda saj kishte një lepur të bardhë. Unë e nxora nga pako dhe e mora në duar. Ai më gërvishti dorën dhe unë e ndjeva gërvishtjen si të ishte e vërtetë. Kudo që shkoja lepurin e mbaja me vete dhe isha shumë e lumtur. Më pas m’u bë sikur isha në gjimnaz dhe më ngacmonte një djalë, i dashuri im vjen dhe e gjuan me shkelma në fytyrë . Të nesërmen i dashuri im ka parë të njëjtin lepur por në realitet. Si shpjegohet kjo?
Një lepur brenda vetes e kemi të gjithë. Lepuri në vetvete është frikacak që do të thotë se edhe ju keni frikë të hidhni një hap në jetë. Në çdo vend që shkoni ju merrni lepurin nga pas që do të thotë se keni edhe një lloj kontrolli përveç frikës, mirë bën që e ke kontrollin se je ende e vogël.Por nëse do që ta heqësh frikën ti duhet të bësh një bisedë me mamanë tënde dhe kjo frikë do ju iki. Ju keni nevojë për një ngushëllim të madh. Ju jeni e pasigurtë me veten tuaj dhe ky lepur që mban me vete nuk të ndihmon dot shumë, lepuri është i bukur si kafshë por nuk mbahet për trimëri dhe kurajo. Mënyra si lepuri të gërvisht do të thotë që duhet të jesh e kujdesshme se mund të krijosh edhe ndonjë problem.
Kete shkrim mund ta lexoni te plote ne gazeten Intervista qe e gjeni në të gjitha kioskat e Shqipërisë dhe të Greqisë. Mund t’ua dergojme edhe në adresën tuaj te emailit për vetëm 99 cent në muaj. Kontaktoni me ne në inbox!