“Darkat e dikatorëve: Një guidë e shijes së keqe që zbaviste tiranët”. Ky është titulli i librit të shkrimtareve Viktoria Klark dhe Melisa Skot, të cilat kanë zbuluar zakonet dhe ushqimet e preferuara të shumë diktatorëve. Ja, disa nga ushqimet që preferonin ata.
- Adolf Hitler
Thuhet se Hitleri vuante nga gazrat kronike, gjë që ka gjasa ta ketë bërë vegjetarian. Në një intervistë, Margot Velk, një nga 15 njerëzit që provonin ushqimet e Hitlerit, tha se ai preferonte asparagët dhe specat me oriz apo makarona.
- Kim Jong Il
Fuzhimoto Kenxhi, shefi i sushit i liderit koreanoverior kishte thënë në një intervistë se Kim Jong Il pëlqente pendët e peshkaqenit, të cilat ai ia servirte disa herë në javë.
- Nikolae Çaushesku
Diktatori rumun, Nikolae Çaushesku preferonte kuzhinën tradicionale rumune dhe ushqimi i tij i preferuar ishte një gjellë fshati e përgatitur me të gjitha pjesët e pulës. Gjithashtu, ai pinte lëngun e supës së përgatitur me perime dhe misër.
- Josif Broz Tito
Ish-presidenti jugosllav njihej si zot shtëpie i mirë. Ai ishte mikpritës dhe një ndër ushqimet e tij të preferuara ishte një fetë dhjami derri e nxehtë. Gjithashtu, besohet se kur udhëtonte me të njohurin Trenin Blu, ushqimet që preferonte ishte gjeli i detit, makaronat dhe gorgonzola (djathi blu).
- Antonio Salazar
Mbreti protugez ishte njeri mjaft i thjeshtë që hante supe peshku me kocka dhe bukë të thekur pa gjalpë. Ai, gjithashtu, adhuronte sardelet që i kujtonin varfërinë e viteve të fëmijërisë.
- Muamar Gadafi
Njihet fakti se Kadafi vuante shpesh nga fryrje të stomakut, ngaqë i pëlqente të pinte qumështin e gamiles. Ai ishte i thjeshtë në preferencat e tij ushqimore dhe ndjehej i kënaqur me një kuskus me mish gamileje ose qengji.
- Mao Ce Dun
Ishte mjaft i thjeshtë. E kishte deklaruar edhe vetë një herë: “Ha shumë dhe sekretoj shumë lëngje stomaku”. Dobësia e tij për mishin ishte gjithashtu e njohur.
- Josif Stalin
Një nga gjellët e preferuara të liderit sovjektik ishte Sacivi, një specialitet gjeorgjian që shërbehet si meze dhe do shumë kohë të përgatitet.
- Zhan Bedel Bokasa
Një nga diktatorët më të egër afrikanë ishte Zhan Bedel Bokasa, që ishte vetëshpallur perandor i Afrikës Qendrore. Ai u akuzua për kanibalizëm dhe thuhet se një herë e kishte porositur kuzhinierin e tij t’i përgatiste mish njeriu me pilaf.
- Saparmurat Nigiazof
Dobësia e tij për bukën që ia bënte e ëma e shtyu ish-liderin e Turkmenistanit t’i vinte bukës emrin e së ëmës, domethënë, Gurbansoltanedzhe.
- Sadam Husein
Ishte e njohur preferenca e monarkut irakian për ëmbëlsirat. Thuhet se kur amerikanët zbuluan vendin ku ai fshihej dhe u futën aty, gjetën rezerva të fshehura të çokollatave Mars.
- Idi Amin
Diktatorit të Ugandës i pëlqente pula e skuqur.
- Henri VIII
Mbretit anglez, Henri VIII i pëlqente ushqimi dhe njihej për llupësinë e tij. Dihet gjithashtu se ai, shpesh organizonte festa të pasura me ushqime të shijshme të kohës. Derri i pjekur ishte një nga ushqimet e tij të preferuara dhe ai gjendej në tavolinë në çdo vakt, ndërkohë që një kek me fruta dhe erëza servirej në raste të veçanta.
- Robert Mugabe
Në një intervistë, ish-kryeministri i Zimbabves, Morgan Cvangirai tha se Muagabeja i kishte dobësi çizkeikët (ëmbëlsirë me djathë).
