Tesla nuk është firma e vetme që kërkon të plotësojë nevojat e klientëve që duan të kenë një veturë elektrike. Shevroleti, gjithashtu, ka shpallur kandidatin e saj, të qujtur Bolt, i cili thuhet se mund të bëjë 321 km (200 milje) me një të ngarkuar të baterisë. Një raport i ri deklaron se edhe Fordi kërkon bëjë të njëjtën gjë. Firma e automobilave duhet të hedhë në treg një makinë të re elektrike këtë vit. Ajo do të destinohet për publikun e gjerë dhe do të ofrojë një mundësi udhëtimi më shumë se 321 km.
Nuk është hera e parë që Fordi kërkon të hyjë në tregun e veturave elektrike. Firma ka tashmë modelin Focus Electric, por meqë ajo mund të ecë vetëm 112 km, nuk është e përshtatshme për rrugët e gjata. Në raportin e revistës “Automobile Magazine” deklarohet se vetura elektrike e Fordit do të konkurrojë Tesla Model 3 dhe Chevrolet Bolt, që kushton më pak se 40 mijë$ dhe ajo do të ofrojë një çmim të ngjashëm. Për momentin nuk dihet se kur do ta lançojë Fordi këtë veturë elektrike. Raporti thotë se lajmërimi do të bëhet në Sallonin e Automobilëve të Los Anxhelosit, që do të zhvillohet në nëntor 2015. Fordi as e ka konfirmuar, as e ka përgënjeshtruar raportin, por duke qenë se të gjithë prodhuesit historikë të makinave i janë drejtuar kësaj teknologjie, nuk është çudi që edhe Fordi t’i futet një aventure të tillë.