– Jam 37 vjeçe. Më kruhen shumë 2-3 gishtat e fundit të këmbës. Nuk është morth. Këmbët nuk e kam të fryrë, por lëkura ka si lagështirë dhe është zbardhur, më kruhet shumë dhe e kruaj derisa më del gjak. Ju lutem, më tregoni ndonjë lloj ilaçi që të mjekohem.
Bujar Pernaska, Dr. i Shkencave Mjekësore: – E nderuar lexuese, e kuptoj shqetësimin tuaj, por nuk mund t’ju jap asnjë lloj ilaçi me korrespondencë, pa bërë më parë disa analiza. Sipas asaj që keni shkruar ju, mendoj se keni epiderme phyti (myk) të gishtave të këmbës, prandaj ju këshilloj të paraqiteni urgjentisht te mjeku dermatolog që t’ju shohë nga afër sepse vetëm me letra nuk mund të sqaroheni siç duhet. Duhet të vizitoheni, të nxirret diagnoza e saktë dhe pastaj të merrni mjekimin përkatës.
