– U bë nja dy javë që të fejuarit tim nuk i bie mëndja për të bërë seks, dhe jam bërë shumë merak. Mos kjo është një shenjë që ai më tradhëton. Ai më thotë që jam i sëmurë, në fakt u bë ca kohë që ka probleme me mushkëritë. Ju si e mendoni? Faleminderit.
– Kur një person është i sëmurë nga ana shëndetësore, normal që kjo do të ndikojë dhe në anën psikologjike. Ju vetë kur jeni sëmurë, a nuk keni ndjerë ulje të nivelit të humorit, përveç dhimbjes fizike. Si mund t’ju shkojë mendja vetëm tek tradhëtia. Ai ju ka treguar dhe të vërtetën, dhe aq më tepër ju jeni e bindur për këtë, përderisa e thoni po ju vetë. Në rast se ai nuk e ndjen veten mirë nga ana shëndetësore, është e natyrshme që të ketë ulje të dëshirës seksuale. Duhet të interesoheni për shëndetin dhe humorin e tij para se ta akuzoni. Kini parasysh se edhe një rrufë e zakonshme, një grip, një ftohje në rrugët e sipërme të frymëmarrjes apo bronkit i lehtë, ia heq mashkullit si me magji dëshirën për seks, ndaj duhet të shqetësoheni më shumë për shëndetin e tij sesa të mendoni keq ndaj tij.
– Ju lutem më thoni çfarë janë afrodiziakët, dhe si ka mundësi që stimulojnë kaq shumë seksin siç thonë?
– Kemi folur dhe herë të tjera për afrodiziakët, dhe sipas studimeve stimulojnë vërtetë pasionet erotike, kjo sepse tek to futen disa produkte, tip erëza, bimë, fruta e perime, të cilat ngrejnë nivelin e endorfinës në gjak, duke shtuar kështu në këtë mënyrë eksitimin, nxitjen për mardhënie seksuale. Këta elementë, pra, afrodiziakët, ndikojnë në sistemin nervor, shpejtojnë frymëmarrjen dhe forcojnë punën e zemrës, pa i shkaktuar njeriut asnjë dëm anësor. Produktet ushqimore afrodiziake përmbajnë disa elementë si zinku, fosfori, kalciumi, hekuri, kaliumi, proteina dhe vitamina të ndryshme si vitaminat E, A. B, B1, etj. Në sajë të pranisë së zinkut në organizëm, për shembull, prodhohet hormoni i testosteronit, që është aq i nevojshm për meshkujt, sepse ai përgjigjet për dëshirat seksuale dhe prodhimin e spermës.
Advertisement