“Pse u ndamë? Unë i dhashë gjithçka, pse më la? Asgjë s’e kënaqte…”. Ky është një nga mendimet e para që u vjen në mendje njerëzve që përjetojnë një ndarje sentimentale. Nëse edhe ti pyet veten për ç’arsye u ndave, mjafton të lexosh 5 arsyet pse përfundon në ndarje lidhja e një shenje të horoskopit. Gjithashtu, ki parasysh se nga gabimet që bëjmë, ne nxjerrim mësime…
PESHQIT
Peshqit jetojnë në një botë të tyren dhe në shumicën e rasteve, është e vështirë t’i kuptosh.
Arsyeja kryesore e ndarjes është gënjeshtra… Peshqit janë një “Pinok” i vogël në ndjenjat e tyre dhe shpeshherë, lidhjen e përfundojnë me ndarje, sepse e fshehin të vërtetën.
Në shumicën e rasteve, dashuria e Peshqve bëhet aq e qartë dhe pa kushte, sa tjetri mendon se e ka në xhep dhe nuk i kushton më vëmendje.
Ai mendon se një lidhje duhet të ketë gjithmonë momentet e saj të bukura dhe, kur vijnë momentet e vështira, zhgënjehet, trishtohet dhe bëhet melodramatik… gjë që të lodh!
Ushtron presion emocional…
