– Jam një shtetase italiane, e interesuar për të studiuar në Shqipëri, në një universitet ku studimet zhvillohen në italisht. Dega që më intereson është Fizioterapia. Duke parë se ju jepni vazhdimisht informacione të vlefshme, po ju drejtohem juve, me shpresë se do të më ndihmoni.
Aurora Gjoshi Koordinatore në Universitetin “Zoja e Këshillit të mirë”: Përshëndetje Aurora! Viti akademik 2015 nis në tetor, ndaj paraprakisht, ju duhet të bëni një regjistrim në sekretari pasi ka një test hyrjeje, me numër të mbyllur për shtetasit italianë, 20 vende, miratuar nga MASH. Ju duhet të bëni njohje të diplomës së maturës në Shqipëri dhe njëkohësisht, ndiqni përditësimet që bëhen në faqen zyrtare të universitetit në internet, pasi gjatë muajit gusht do të publikohen datat e testimit. Datat 17, 25 prill dhe 16 maj, do të jenë ditë të hapura për të interesuarit, që duan të informohen më shumë, pasi gjatë tyre do të prezantohet kampusi dhe programet e studimit.
Advertisement