Pas maratonës së prezantueseve që ka ndërruar emisioni i pasdites “Pasdite në Top Channel”, u duk se kishte rënë në qetësi me moderatoren Kozeta Turishta, por e gjitha nuk ka mundur të zgjasë as edhe një sezon të plotë. Kështu, në mes të sezonit, drejtuesit e televizonit kanë mnduar ta zëvëndësojnë atë me një tjetër figurë të ekranit. Bëhet fjalë për Jonida Shehun e cila vjen e radhës si prezantuesja në emisionin, siparin e të cilit e hapi Arbana Osmani, për të vazhduar më tej me të tjera prezantuese si Genta Popa, Lira Burgjia, apo Ulpiana Lama që ka qenë edhe prezantesja që ka rezistuar më gjatë se kushdo tjetër, duke moderuar dy sezone. Tashmë përvecse me një emër të ri të konfirmuar në prezantim, emisioni do të ketë po ashtu një skenografi të re, në një ”shtëpi” të re dhe me shumë risi. Kështu, në orën 17.00 do të mund të shijoni pasditet në “Top channel” dhe do të jetë Jonida ajo që do t’ju shoqërojë. Madje “Top Channel” zhvendos edhe programin investigativ “Fiks Fare” në studiot e reja ku shumë shpejt do të jenë në transmetim pjesa më e madhe e programeve të këtij televizioni.
(Gazetën “Intervista”, të plotë, mund ta blini online, që ditën e daljen në treg, vetëm për 89 cent, në: http://www.pressreader.com/albania/intervista)
