“Stasera pago io” është varieteja më e suksesshme në historinë e tv italian. Rai mundi Mediaset në kulmin e fuqisë së kësaj të fundit bashkë me Berlusconin kryeministër. Fiorelo i vetëm shkatërroi konkurencën me imitime të paimitueshme, muzikë cilësore, humor i lehtë i monologjeve të stand up. Në atë kohë Mediaset bënte shumë bujë me guximin ndaj zhveshjes, provokimeve, seksit, reality show etj. E megjithatë Fiorelo, i përshtatshëm për të gjithë familjen e i këndshëm për këdo fitoi. Fitoi pas peripecive personale. Fitoi kur kritikët thonin që morali i shoqërisë italiane ishte menderosur dhe të gjithë donin bythë e cica e lot e dashuriçkat që ofronte mediaset. Momenti më i suksesshëm? Gjatë një interviste me Monica Bellucci ai sfidon publikun, regjinë dhe këdo që kulmin e audiencës do ta kishte portreti i saj. Për 1 min e 30 sekonda e gjithë italia pa vetëm portretin e saj me në sfond Fiorellon dhe Eros Ramazzottin më pas teksa i kushtonin “piu bella cosa”. Për një minutë e gjysëm italia mbeti pa frymë se si një shikim pak muzikë në sfond mund të ishte eros, art, zbavitje, kënaqësi, provokim, avangard e klasike, sensuale dhe etike.
Ka një mënyrë për ta trajtuar femrën në ekran, ka një mënyrë për të bërë spektakël e televizion. Ka një mënyrë për të bërë audiencë. Thjesht nuk kemi më bythë dhe Berlusconi ynë i majtë ka qejf cirkun dhe kurvat. Publiku do jetë gjithmonë aty ku ka cilësi! Publiku e dallon punën, origjinalitetin. Problemi është që televizionet kombëtare nuk e mbajnë mend ça shkruan te liçenca. 4 tv janë sot kombëtare dhe asnjëra nuk përputhet me lartësinë e detyrës!
