Një event i pazakontë është organizuar në Bruksel. International Model 2021-2022 është organizuar nga Drita Martini(Martini Kompani) , me fituese Emikaela Jubani dhe me president jurie menxherin e mirënjohur në Diasporë Musa Sylejmani është bërë në mënyrë virtuale për shkak të pandemisë. Flasim me tre emrat më të lakuar dhe të sipërpërmendur për këtë event special.
Përshëndetje, Drita! Emri juaj nuk është pak i njohur në botën e artit. Ajo që ju fokuson më tepër është edhe një spektakël bukurie virtual. Si ju lindi idea, dhe sa keni punuar për këtë spektakël?
-Ne si ekip dhe kompani mode kemi pasur programe të tjera në vende të ndryshme të botës, duke filluar nga Shqipëria, Maqedonia e Veriut, Kosova etj. Pandemia na “gjunjëzoi” dhe “cungoi” të gjithë projektet. E vetmja mënyrë ishte të organizonim një eveniment online.
–A pati impakt dhe a i tejkaloi pritshmëritë ky spektakël?
Për spektaklet kam punuar pa u ndalur: kontakte me kandidatet, publiciteti, sqarimet, motivimi e sigurisht duke dëgjuar problematikat e mundshme të kandidateve jo domosdoshmërisht të lidhura me modën. Spektakli i fundit u zgjodh nga modele Emikaela Jubani. Ishte sukses i paparashikuar. Nuk e mendoja se ajo jetonte në Bruksel, dhe kjo ishte pikërisht arsyeja që arrita aty ku doja. “Zoti është ne rrugën time” – thashë me vete.
-Kush ishin ata tek të cilët u mbështetët në realizimin e projektit?
Ata që më mbështetën ishin të kufizuar. Shumë, madje. Ndoshta pandemia, ndoshta kanë humbur besimin në vetvete. I vetmi ishte Musa Sylejmani me Art Studio në Zvicër, e gjithashtu Intervista. Jam mirënjohëse dhe besoj se do t’jua shpërblej me mirënjohje. Gjithashtu, Mira Nikolla si moderatore, por dhe krahu im i djathtë.
-Çfarë ka në horizont për Vitin e Ri?
Për këtë fund viti nuk kam diçka të veçantë, përveçse para pak ditësh në Hotel Metropole i dhuruam kurorën e çmimit të madh “Modele International 2021-2022”
