Suela Brahimllari, krijuesja e markës së veshjeve për fëmijë “Bel Eve”
vetëm pak ditë më parë ka dhënë një lajm të jashtëzakonshëm, ku koleksioni i saj radhës u prezantua në Paris.
“Kjo është dita më e bukur e jetës time. U plotësua ëndrra. Paris më prit. Në 30 dhe 31 gusht do të prezantoj super koleksionin tim që kam më shumë se 6 muaj që punoj. Ju falenderoj të gjithëve ju që me keni mbështetur. Ps: Pas Parisit më prit Dubai- kjo është një tjetër ëndërr e imja”, ka shkruar Suela në një postim në rrjetin social “Instagram” përpara se të shkonte në Paris.
Stilistja ka sjellë shumë risi me veshjet dhe sfilatat e saj me fëmijë në Shqipëri, gjë që është vlerësuar shumë nga publiku. Ajo është shprehur gjatë gjithë prononcimeve të saj që pasarelat e Europës janë një ëndërr e saj por duket se suksesi dhe puna e saj do kalojë Europën duke qenë se po përgatitet edhe për Dubain. Po çfarë ndodhi në 30 dhe 31 gusht në “Vogue Fashion week”?
Në kontaktuam me Suelën dhe ekskluzivisht ajo na tregoi se koleksioni që prezantoi atje përbëhej nga 12 fustane dhe i dedikohej princeshave dhe mbretereshave të Shqipërisë, të gjithave pa përjashtim. Fustanet mbajnin emrat që nga mbretereshë Teuta e deri te princeshë Elia Zogu Zaharia. Përveç fustaneve unë prezantova edhe aksesorë që shkonin me veshjet si kapelet që ju do i shihni në fotot që do t’ju dërgoj nga mbrëmjet atje. Suela Brahimllari është një nga emrat më të lakuar përsa i përket suksesit që ka në fushën e krijimtarisë së modës dhe prezantimi i veshjeve të saj në Paris duket se ka realizuar një nga ëndrrat e saj më të mëdha. Vetëm përpara Suela sepse suksese dhe ëndrra të tjera të presin…!
