Kryej marrëdhënie vetëm një herë

– Jam një djalë 28 vjeç, i martuar. Unë bëj seks 2-3 herë në javë, por problemi qëndron se nuk mund të kryej më shumë se një herë marrëdhënie. Ku qëndron problemi tek unë?
Dr. Evi Dani, seksolog-androlog: – Intensiteti i bërjes së aktit seksual është i ndryshëm në njerëz të ndryshem. Nga të dhënat individuale, ka meshkuj që mund të arrijnë dhe 7 gjer në 10 herë ejakulacione në një marrëdhënie seksuale. Ka dhe disa të tjerë që realizojnë një akt seksual, një orgazëm dhe organizmi nuk u vepron për të patur ereksion për të bërë një orgazëm të dytë. Pastaj, u duhet pak kohë për të arritur një orgazëm të dytë, qoftë edhe me ditë, siç është edhe rasti juaj, që mund të bëni gjer në tre herë në javë. Për studiuesit, për ne nuk është problematike dhe do të konsiderohej normale gjer në 3 herë marrëdhënie në javë. Marrëdhënie seksuale cilësore quhet atëherë kur dy partnerët arrijnë të dy në orgazëm, pra, cilësisht një marrëdhënie e mirë. Mos u shqetësoni për këtë problem.