Mamaja e Lindës bashkë me Lejlën denoncojnë Rafaelin, se po përfiton nga një vajzë të paaftë mendërisht dhe ai arrestohet. Eroni i premton se do të merret ai me këtë çështje dhe do ta nxjerrë. Luteroja, Paloma dhe Feliksi vendosin të dërgojnë në shtëpinë e Sezarit Rebekën. Ajo do të shkojë atje me pretekstin për ta nënshtruar Sezarin ndaj një trajtimi kundër diabetit, por në të vërtetë, qëllimi i saj është të zbulojë se çfarë po fsheh Alina. Lejla shkon në shtëpinë e Natashës, e qëllon duke e lënë pa ndjenja dhe i vë flakën shtëpisë. Lidia i lutet Talesit ta shpëtojë Natashën. Talesi futet në shtëpi, ku sheh shpirtin e Nikolës, e cila e drejton nga vendi ku ndodhet Natasha. Talesi e merr në krahë dhe arrin ta nxjerrë jashtë. Dikush i thotë se brenda është edhe Lejla dhe ai do të shkojë të shpëtojë edhe atë, por një shpërthim i fuqishëm nuk e lejon. Lejla në dhomën e Nikolës u gëzohet bizhuterive, ndërkohë që e përpijnë flakët…
Feliksi hedh dyshime për Nidon
Amarilisi shkon në shtëpinë e Nikos për të parë Fabricion, duke u përpjekur ta bindë atë se nuk mund t’i bëjë asgjë të keqe bebes. Nikoja e lejon, me kushtin që Adriana të qëndrojë me të.
Sezari dëgjon të qeshurat e Alinës me një burrë. Nga ana tjetër, pasi Nidoja fle, Alina ikën duke thënë se ai është fare i padobishëm. Të nesërmen, kur Alina me beben dalin me makinë, Sezari vë re se dyert përplasen tre here, domethënë se me ta është edhe një person i tretë.
Feliksi hedh dyshimet se personi që është me Alinën, është Nidoja, pasi ka qenë ai vetë që e ka këshilluar atë dikur të lidhej me Alinën, për t’ia hequr duarsh këtë të fundit të atit. Luteroja e këshillon Rebekën të tregojë kujdes, pasi Alina mund të manipulojë çdo burrë në një mënyrë të tillë, sa ta shndërrojë edhe në kriminel.
Sezari i kërkon Rebekës të spiunojë Alinën
Talesi shkon të vizitojë Natashën në spital. Ajo e falënderon që e shpëtoi, por ai i thotë se ka qenë ajo që ka shpëtuar atë dhe shpirtin e tij e ikën përgjithmonë. Alina arrin të marrë edhe pronat e fundit nga Sezari, ndaj i kërkon Nidos të vrasë Sezarin, duke e mbytur me një jastëk, ndërkohë që ajo vetë, me një thikë në dorë, përpiqet të qëllojë fshehurazi Nidon. Për fat, në atë moment, thërret Paloma dhe plani i Alinës dështon.
Alina mezi e pranon ardhjen e Rebekës në shtëpi, por nuk ka zgjidhje tjetër. Mjekja vë re se Alina i bën shumë kekë të vegjël Sezarit, ndërkohë që ai është me diabet. Alina është e sigurt se ajo ka ardhur për ta spiunuar.
Sezari i rrëfen Rebekës se dyshon që Alina ka një të dashur dhe kërkon ndihmën e saj për të vërtetuar dyshimet, ndonëse vazhdon ta dashurojë gruan e tij. Ai i kërkon vetëm që këtë t’ia thotë atij dhe jo Palomës. Rebeka i premton. Ajo e pyet se çfarë do të bënte nëse kjo vërtetohej dhe ai i thotë se do ta vriste. Eroni kërkon të vazhdojnë me procesin për dhënien e atësisë Nikos, por Amarilisi e vonon edhe një ditë, duke u munduar të fitojë pak kohë për të rrëmbyer Fabricion.
Nikoja ia merr përfundimisht fëmijën Amarilisit
Amarilisi shkon të marrë biletat e avionit, por fluturimi është anuluar dhe do të bëhet pas një jave. Asaj nuk i mbetet gjë tjetër veçse të presë, duke shkuar bashkë me Fabricion në shtëpinë e një shoqeje në plazh, ku nuk mund ta gjejë askush. Në mbrëmje, Nikoja e lë Amarilisin vetëm me beben. Ajo e mbyll Adrianën në dhomë dhe rrëmben (Këtë shkrim mund ta lexoni të plotë në gazetën “Intervista”. Atë mund ta blini në të gjitha pikat e shitjes në Shqipëri si edhe në kioskat ku shitet shtypi i huaj në Greqi. Mund ta blini edhe online, vetëm për 89 cent, në: http://www.pressreader.com/albania/intervista)
