Përbërësit:
300 gramë gjalpë në temperaturë dhome
250 gr sheqer pluhur
½ lugë çaji arrëmyshk e grirë
Erëza, 2 gramë mastiha, 7 gramë mahlep (Nëse nuk i keni, nuk ka problem)
1 lugë supe sheqer
2 lugë supe miell
lëkura e grirë e 2 portokalleve
2 vanilje të vogla
4 vezë (200 gr) në temperaturë dhome
75 ml qumësht me yndyrë
400 gramë miell
1 lugë supe pluhur pjekës
Përgatitja:
Në fillim rrahim mirë gjalpin dhe sheqerin derisa të krijohet një masë e fryrë, e bardhë. Mirë është të rrihet me mikser afro 10 minuta. Veç grijmë mastihën dhe mahlepin (që janë me kokrra) me një lugë sheqer dhe dy miell, derisa të bëhen pluhur dhe i shtojmë te përzierja e gjalpit me sheqerin, bashkë me lëkurën e grirë të portokalleve dhe vaniljet. Pastaj shtojmë vezët një nga një dhe qumështin. Në fund hedhim miellin e përzier me pluhurin pjekës dhe e përziejmë me kujdes me dorë (jo me mikser) që të mos shfryhet masa. E hedhim në një formë të lyer më parë me gjalpë dhe miell, që të mos ngjitet dhe vëmë edhe lekun brenda. E pjekim në 170 gradë. Kur e nxjerrim, i hedhim përsipër sheqer pluhur.
