Një grua është larguar nga tapeti i kuq i Kanës pasi bëri një protestë pro-ukrainase.
Gruaja hoqi të gjitha rrobat e saj dhe ra në gjunjë duke bërtitur para fotografëve të mbledhur, sipas dëshmitarëve okularë. Rojet e sigurisë u panë duke nxituar drejt saj dhe duke e mbuluar me një pallto.
Gruaja kishte vënë bojë trupi në ngjyrat e flamurit ukrainas me të shkruar “mos na përdhunoni” nëpër bark. Ajo gjithashtu dukej se kishte bojë të kuqe gjaku në pjesën e poshtme të shpinës dhe këmbëve, me fjalën “llum” të shkruar në pjesën e poshtme të shpinës.
Ka pasur raportime të shumta të ushtarëve rusë që përdhunojnë civilë gjatë pushtimit të Ukrainës.
Festivali i Filmit në Kanë kërkon kontrolle të shumta sigurie për të hyrë në tapetin e tij të kuq të famshëm dhe ka siguri të madhe përgjatë vetë tapetit.
Një grup feministesh kanë organizuar një protestë në tapetin e kuq të Festivalit të Filmit në Kanë, duke shpalosur një pankartë për të theksuar dhunën ndaj grave
Grupi me grushta në ajër ndezi flakë tymi ndërsa mbanin banderolën, ku tregoheshin emrat e 129 grave që ato thonë se janë vrarë në Francë që nga festivali i fundit i Kanës.
Protesta erdhi në premierën e filmit iranian “Holy Spider”
