“Ngjyrat flasin edhe… në marketing”
Qëllimi marketingut krijues nuk është marketingu
që bën njerëzit të thonë: “Ajo ishte marrëzisht krijuese!”,
por marketingu është ai që provokon shprehjen: “E dua atë!”
ARMIRA LAZAJ
KONSULENTE MARKETINGU
PEDAGOGE DHE TRAINERE
- Shkenca pas ngjyrave
Ngjyrat janë të pranishme kudo në jetën tonë. Nuk i shohim ato vetëm në garderobë, apo në kombinime të ndryshme të të veshurit tonë. Ato kanë specifikën e tyre në atë që përfaqësojnë duke i dhënë njeriut larmirshmëri jetësore dhe njëherësh mesazhe të caktuara. Në këtë këndvështrim shumë kompani të mëdha i kanë përdorur këto ngjyra në bizneset e tyre, duke u identifikuar me atë që ngjyra përcjell tek njerëzit.
Një nga mrekullitë e shqisës sonë të të parit është aftësia e saj për të dalluar ngjyrat. Rëndësia e ngjyrave dhe truket që fshihen pas tyre, kanë lidhje të drejtpërdrejtë me zhvillimet dhe arritjet e ndryshme të marketingut, por jo vetëm. Sipas statistikave, 87 për qind e klientëve përmendin ngjyrën si nxitësin kryesor, që i shtyn ta blejnë ose jo një produkt. Kërkuesit kanë zbuluar se në mënyrë të pavetëdijshme, njerëzit bëjnë një vlerësim pamor të shpejtë në 90 sekondat e para që shohin një mjedis apo produkt. Ekspertët e marketingut shprehen se kur njerëzit blejnë diçka, 93 për qind e tyre mbështeten te pamja e jashtme e produktit, 6 për qind shohin materialin dhe vetëm 1 për qind i kushton rëndësi aromës që mban sendi. Rreth 80 për qind e njerëzve pranojnë se i njohin më mirë markat vetëm prej ngjyrës së përdorur. Më se 50 për qind e konsumatorëve nuk e vizitojnë më një dyqan nëse ngjyra e mureve të tij nuk i ka pëlqyer. Mendohet se reklamat me ngjyra tërheqin 42 për qind më shumë vëmendje sesa reklamat bardhezi. Përdorimi i ngjyrave përmirëson aftësinë për të mësuar nga 55-68 për qind, aftësinë për të lexuar me 40 për qind dhe rrit me 73 për qind mundësinë e të kuptuarit të diçkaje.
- Efekti ii ngjyrave ne Markeing
Marketerët dhe grafik dizajnerët e kanë ditur prej kohësh që ngjyrat luajnë një rol kryesor në suksesin e një fushate marketingu. Ngjyra të ndryshme krijojnë ndjesi të ndryshme tek konsumatorët, duke i dhënë personalitet një marke dhe duke ndikuar tek shitjet. Më poshtë po listojmëngjyrat që rrisin shitjet dhe emocionet specifike që krijon secila ngjyrë.
Ja sekretet që fshihen pas çdo ngjyre kryesore.
E kuqe – E kuqja ësht është ë ngjyra e fuqisë. Tërheq vëmendjen e njerëzve dhe e mban atë. Ja përse e kuqja është ngjyra më e përdorshme në marketing, gjithashtu është ngjyra festive dhe e dashuris është dhe perdoret gjeresisht ne festa te ndryshme. Gjithashtu ngjyra e kuqe eshte nxites I urise ,keshtu qe marka ne industrine e restoranteve , fast food e perdorin ne logon e tyre
Blu – Në rastet kur doni të dukeni të besueshëm dhe të hijshëm, ngjyra blu është e duhura për t’u përdorur. Kombinimi i saj me ngjyra të tjera që shkojnë, jep rezultate akoma më të mira. Bluja është e lidhur me paqen dhe ujin. Pëlqehet më së shumti nga meshkujt dhe prezanton qetësinë e kthjelltësinë. Fakti interesant për ngjyrën blu është se ajo parandalon urinë. Është një ngjyrë gjithnjë e pranishme për njerëzit, pasi është ngjyra e qiellit dhe e detit. Nga pikëpamja psikologjike, bluja rrit produktivitetin dhe për këtë arsye përdoret më së shumti në zyra
Rozë – Kërkoni vëmendjen e femrave të reja? Në këtë rast nuk gabohet asnjëherë nëse përdoret ngjyra rozë apo ajo pink. Është ngjyrë gazmore, e llastuar dhe tërësisht femërore.
E verdhë – E verdha është një ngjyrë e fuqishme, por është gjithashtu më e rrezikshmja. Përdoreni atë për të tërhequr vëmendjen e audiencës dhe bëjini të ditur që ju jeni të sigurt për aftësitë tuaja. Kjo ngjyrë nxit komunikimin dhe stimulon sistemin nervor, eshte ngjyra qe identifikohet me shpejte nga syri njerezor, per kete arsye TAXI kane ngjyre te verdhe
E gjelbërt – Ngjyra e gjelbërt është e gjithëanshme. Është e ngrohtë, mikëpritëse, duke i dhuruar konsumatorëve një ndjesi të mirë. Së dyti, është një simbol i shëndetit, mjedisit dhe dashamirësisë si dhe dhe ul ndjeshëm nivelin e depresioni. Së fundmi, ajo është ngjyra e parave, kështu që krijon mendime rreth pasurisë, per kete arsye prerje te kartmonedhave ne valuta te ndryshme kane ne logon e tyre ngjyren e gjelber
Vjollcë – Vjollca është ngjyrë mbretërore, gjë që do të thotë se kur ajo përdoret i jep elegancë dhe prestigj materialeve të marketingut. Pra perfaqeson suksesin dhe diturinë. Për shkak se shumë mbretër preferonin ngjyrën vjollcë për veshjet e tyre, nga pikëpamja politike, ajo përfaqëson mbretërinë. Një nga kompanitë më të njohura që përdor këtë ngjyrë është “Yahoo”.
Portokalli -Portokallia është energji, pra është ngjyra që lidhet me entuziazmin dhe ekzaltimin Ka forcë tërheqjeje të jashtëzakonshme, është e lezetshme dhe e freskët. Ajo i bën konsumatorët të ndjehen se po blejnë nga një kompani që dallon nga të tjerat.
Kafe – Ngjyra kafe e tokës, njohet si një ngjyrë e rehatshme, gjë që përçon siguri dhe relaksim tek konsumatorët
E zezë E zeza është një ngjyrë shumë e gjithëanshme. Mund të jetë moderne apo tradicionale, emocionuese ose relaksuese. E përdorur si një ngjyrë kontrasti me një ngjyrë tjetër, e zeza shtonseriozite dhe dramë tek çdo lloj ndjenje që doni të përçoni tek konsumatorët.
E bardhë E bardha është një tjetër ngjyrë shumë e gjithëanshme. Ajo percon transparence te konsumatori per marken e vete
Ngjyrat më të përdorura nga 100 firmat (markat) më popullore në botë janë: bluja (në 33% të rasteve), e kuqja (29%), gri ose e zezë (28%) e bardhë ose e artë (13%); 95% firmave të mëdha përdor vetëm një ose dy ngjyra maksimumi në logot e tyre