Përshëndetje doktor!
Jam një djalë 31 vjeçar. Kam dy muaj që më bie të fikët në mënyrë të përsëritur.
I fikti nuk më shoqërohet me ndonjë ndjesi të veçantë, thjesht në mënyrë të menjëhershme humbas ndjenjat.
Nuk pi as duhan dhe as alkool dhe bëj një jetë shumë të rregullt. Çfarë më sugjeroni ju lutem se jam shumë i shqetësuar dhe nuk di si të veproj?
Dr.Taulant Gishto, kardiolog, klinikaustriake@gmail.com, Rruga 5 maji kompleksi Concord, Tiranë, 0674744777/ 0662770750:- Shpeshherë një EKG e thjeshtë mund të japë një informacion të rëndësishëm në lidhje me çrregullimet e ritmit dhe përçimit elektrik të cilat janë dhe shkaqet kryesore kur sinkopi është kardiogen, pra me origjinë nga zemra. Së dyti në shumicën e rasteve është i nevojshem një monitorim 24 apo 48 i ritmit. Ky quhet holter ritmi. Ka një vlerë të veçantë në vlerësimin e elektricitetit dhe ritmit të zemrës në rastet kur EKG është normal dhe mjeku dyshon që në një vlerësim më të zgjatur mund të mbledh më shumë informacion. Pas deshifrimit të holterit të ritmit mjeku kurues do ju njoftojë nëse ka apo jo ndonjë problem lidhur me zemrën për të cilin do ishin përgjegjës episodet e të fiktit. Nëse nga të dhënat e ekzaminimeve kardiologjike nuk konstatohet ndonjë problem evident kalohet në vlerësimin e arsyeve të tjera të të fiktit. Një shkak tjetër i mundshëm është sinkopi neurogen, pra i fikti që vjen si pasojë e problemeve neurologjike.
Rrjedhimisht pas eksplorimit kardiologjik duhet kaluar në eksplorimin neurologjik nëpërmjet një konsulte neurologu. Neurologu sipas vlerësimit të tij mund të kërkoj një skaner koke si edhe një elektroencefalogramë. Nëse të gjitha egzaminimet dalin negative mund të ngelemi në terren tek një sinkopi vazo vagal i cili është shumë i shpeshtë në moshat e reja dhe ka të bëjë me aktivizimin e tepruar të vagusit. Të shkuara!