Ndeshja e raundit të tretë në eliminatoret e Ligës së Kampionëve ndërmjet Shkëndijës dhe Sazlburgut sjell edhe përballje mes dy miliarderëve si Lazim Destani dhe Dietrich Mateschitz. Skudra shqiptare, sponsorizohet nga kompania “Ecolog” që zotërohet nga biznismeni tetovar, Lazim Destani, ndërsa nga ana tjetër Salzburgu është në këto nivele falë biznismenit Dietrich Mateschitz që ka në pronësi kompaninë e njohur të pijeve energjetike, Redbull, e cila është sponsor kryesor i skuadrës austriake. Të dy biznismenët, Destani dhe Mateschitz do të jenë prezent në stadiumin “Redbull Arena” për t’i ndjekur përballjen e skuadrave të tyre respektive. Ndeshja Salzburgu-Shkëndija do të zhvilohet nesër nga ora 19:00.
