- Fituesja më e re për rolin e aktores dytësore është Tatum O’Nil, e cila e fitoi çmimin në filmin “Hëna prej Letre” (1973), kur ishte 10 vjeçe.
- Kristofer Plamer është aktori fitues më i moshuar i çmimit Oskar në moshën 82 vjeçare, për rolin e aktorit dytësor më të mirë në filmin “Fillestarët” (2010).
- Laiza Mineli, duke fituar Oskarin e aktores më të mirë në vitin 1972, ishte aktorja e vetme që e ka fituar atë familjarisht. Mamaja e saj, Xhudi Garland u vlerësua me këtë çmim në vitin 1939 dhe i ati, Vinsente Mineli, u vlerësua me çmimin e regjisorit më të mirë për filmin “Xhixhi” (1958).
- Ceremonia e parë Oskar u zhvillua në një sallë të vogël me 270 të ftuar, në vitin 1929, në hotelin Hollivud Ruzvelt, Los Anxhelos.
- Ketrin Bigëlou ishte gruaja e parë në historinë e çmimeve Oskar që fitoi çmimin e regjisores më të mirë, për filmin “Dollapi i dhimbjes” (2009).
- Ketrin Hepbërn është gruaja që ka marrë më shumë Oskar. Ajo e ka fituar katër herë çmimin e akores më të mirë për filmat “Në pellgun e artë” (1981), “Luani në dimër” (1968), “Gjeje kush vjen për darkë” (1967) dhe “Lavdia e mëngjesit” (1933).
- Filmi “Kaubojsi i mesnatës” (1969) është i vetmi film me pullë të kuqe (për moshat mbi 18 vjeç) që u vlerësua me çmimin Oskar.
- Rekordin si kandidate për çmimin Oskar e mban Meril Stripi, e cila ka qenë 18 herë kandidate, duke e fituar dy herë Oskarin për rolin e aktores më të mirë në filmat “Zgjedhja e Sofies” (1983) dhe “Zonja e hekurt” (2012), si dhe një herë për rolin e aktores dytësore më të mirë në filmin “Kramer kundër Kramer” (1980). Nga burrat, këtë rekord e mban Xhek Nikolsoni, me 12 kandidatura.
- “Bashkë me erën” (1939) ka qenë filmi më i gjatë (4 orë e 16 minuta) që është vlerësuar me çmimin e filmit më të mirë.
- Vendi që e ka fituar më shumë çmimin e filmit të huaj më të mirë është Italia, me 10 çmime.
- Endrju Brodi, 29 vjeç, ka qenë aktori më i ri që fitoi çmimin e aktorit më të mirë për rolin në filmin “Pianisti” (2002).
- Fituesi më i moshuar për rolin e aktorit më të mirë. Këtë rekord e mban Henri Fonda, i cili, në moshën 76 vjeçare, fitoi çmimin e aktorit më të mirë për rolin e tij në filmin “Në pellgun e artë” (1981).
- Filmi “Nuni 2” (Godfather II) (1974) është i vetmi vazhdim filmi që ka marrë çmimin e filmit më të mirë.
- Kejt Blanshet është e vetmja aktore që ka marrë çmimin Oskar, duke luajtur rolin e një aktoreje tjetër që e ka fituar çmimin. Ajo e mori çmimin për rolin e saj si Ketrin Hepburn në filmin “Aviatori” (2004).
- Vudi Alen ka 24 kandidatura për Oskar: një si aktori më i mirë, tre për filmat më të mirë, 7 si regjisori më i mirë dhe 16, për skenarin origjinal.
- Në vitin 1964, Sidnei Puatje ishte aktori i parë me ngjyrë që fitoi çmimin Oskar të aktorit më të mirë për filmin “Zambakët e fushës”.
- Kandidimi i parë i Ketrin-Zeta Xhounsit ishte me fat, sepse ajo fitoi rolin e aktores dytësore për rolin e saj në filmin “Çikago” (2002). VIP-a të tjerë që kanë fituar që me herën e parë ishin Lupita Niongo dhe Kim Bezinxher.
- Fituesja e parë e shurdhër, ishte Marli Matlin, që u vlerësua me çmimin Oskar për filmin “Fëmijët e heshtjes” (1987).
- Tre filmat më të suksesshëm të historisë së Oskarëve janë filmat “Ben Hur” (1959), “Titaniku” (1997) dhe “Zoti i Unazave” (2003), çdonjëri prej të cilëve fitoi 11 statujëza.
- Heth Lexher dhe Piter Finç janë të vetmit aktorë që e kanë marrë çmimin pas vdekjes, respektivisht për filmat “Kalorësi i errët” (2008) dhe “Rrjeti” (1976).
- Fjalimi më i gjatë ishte ai i aktores Grir Garson, që zgjati pesë minuta e 30 sekonda për çmimin e aktores më të mirë në filmin “Zonja Miniver” (1942).
- Statujëza e Oskarit ka një gjatësi prej 34 centimetrash dhe peshon 3.5 kilogramë.
- Alfred Hiçkok u propozua pesë herë për çmimin e regjisorit më të mirë, por nuk e fitoi kurrë atë.
- Ceremonia më e gjatë për dhënien e çmimeve zgjati 4 orë e 23 minuta, me prezantuese Upi Goldbergun (2002).
- Fituesi dhe kandidati me më shumë çmime ishte Uollt Disnei, i cili fitoi 22 Oskarë nga 54 herët që ishte kandidat.
- Çmim për një grua në rolin e një burri. Linda Hant ishte aktorja e parë që u vlerësua me çmimin Oskar për rolin e një burri në filmin “Viti i të jetuarit rrezikshëm” (1982).
- Prezantuesi më i shpeshtë është Ben Hop, i cili e ka prezantuar ceremoninë 19 herë.
- Duke filluar nga viti 1950, fituesit nuk mund ta shesin statujëzën e tyre nëse nuk e kthejnë më parë në Akademi për një dollar.
- Ceremonia e vitit 2014, në të cilin u veçua performanca e Farell Uilliamsit në skenë, arriti rekordin e 43 milionë teleshikuesve në SHBA, shikueshmëria më e lartë e dhjetëvjeçarit për kanalin ABC, i cili është kanali që e transmeton drejtpërdrejt ceremoninë që prej vitit 1976.
- Ceremonia më e shkurtër ka qenë ajo e vitit 1959, që zgjati vetëm një orë e 40 minuta.
- Teatri Dolby ku zhvillohet ceremonia mund të mbajë deri në 3300 shikues. Gjatësia e qilimit të kuq në të i kalon të 150 metrat.
- Megi Smith është aktorja e vetme që mori çmimin Oskar duke luajtur rolin e një aktoreje që nuk arriti ta merrte dot atë, në filmin “Suita Kalifornia” (1978).
- Nga ana tjetër, Xhudi Garland e humbi çmimin e aktores më të mirë, duke luajtur rolin e një aktoreje që e kishte fituar atë, Viki Lesterit.
- Një rol, dy çmime. Marlon Brando dhe Robert de Niro ishin aktorët e vetëm që janë vlerësuar me çmimin duke luajtur të njëjtin rol, atë të Vito Korleones respektivisht në filmat “Nuni” (1972) dhe “Nuni 2” (1974).
- Xhon Kazale, mori pjesë vetëm në pesë filma para se të vdiste (42 vjeç) dhe që të pestë, ishin kandidatë për Oskarin.
- Xhon Reili është aktori i katërt, pas Klodetë Kolbert, Çarls Lafton dhe Tomas Miçell që ishte protagonist në tre filma kandidatë për çmimin Oskar në të njëjtin vit (“Çikago”, “Orët” dhe “Bandat e Nju Jorkut”).
- Piter O’Tul ishte kandidat tetë herë, por nuk e fitoi kurrë Oskarin. Në vitin 2003, ai u vlerësua me çmimin e nderit të Akademisë.
- Dizenjimi i statujës së artë është bërë nga artisti Sedrik Gibons.
- Për shkak të mungesës së metalit gjatë Luftës së Dytë Botërore, statujëzat bëheshin prej gipsi.
- Statujëzat në fillim ishin të përbëra nga bronxi i veshur me ar. Pas disa vjetësh ato u zëvendësuan me metalin britania-një aliazh kallaji dhe plumbi që vishej me pas me bakër, nikel dhe në fund, me ar 24 karat.
- Prodhuesit e statujëzave janë ndërmarrja RS Ovvens & Company nga Çikagoja.
- Oskari i parë për rolin e aktorit më të mirë iu dha në 16 maj 1929, aktorit Emil Xhanings, për filmat “Porosia e fundit” (1928) dhe “The VVay of All Flesh” (1927).
- Kompozitori Xhon Uilliam ka më shumë kandidatura për Oskarin, 49, ndër të cilat 5 u kurorëzuan me çmime.
- Daniel Dei Ljuis është i vetmi aktor që e ka fituar tre herë çmimin e aktorit më të mirë, në vitin 1990 për rolin në filmin “Këmba e majtë”, në shkurt 2008 për filmin “Do të derdhet gjak” dhe në shkurt 2013, për filmin “Linkoln”.
- Biletat e Oskarëve të parë në hotelin Hollivud Ruzvelt, më 16 maj 1929, kushtonin 5 $.
- Teatri Kodak është vendi i dhjetë ku është zhvilluar ceremonia. Vende të tjera janë Hoteli Hollivud Ruzvelt, teatri kinez Grauman’s, hoteli Ambasador dhe ndërtesa Doroti Çandler.
