Ditë që mbesin
Të rri gjatë në puthjen tënde,
Tani për mua s’ ka më vlerë.
Mendoj unë fjalët e tua,
Nuk më do më si atëherë…
I japim fund sot aventurës,
Po ashtu dhe miqësisë
Mbesin ditë të paharruara,
Kërkoj ndjesë ndaj dashurisë… Xhesina Duraku
E gjitha ishte një lojë
Do iki nga ti e qeshur
e vrarë me buzën në gaz.
Do iki siç shkon një i vdekur
e kujtimin e tij e lë pas.
Mos pyet kush humbi në lojë
unë do t’përgjigjem me bubullima.
Cili ishte shkaku e cila pasojë
rëndësi ka që ajo la viktima. Mimoza Berisha
Fshati!
Dje kishe diell, sot je veç hije,
gjithçka ndryshon, por ti s’lëviz,
thonë që ke mbetur i shkretë,
asnjë frymë më nuk të flet.
Dje vleje më shumë se ar,
sot asnjë qindarkë, në mendjen e ngratë,
thonë që ti ke vdekur, je tretur,
megjithatë jeton, edhe pa të prekur,
Dje ishe plot hare, sot bosh,
të kujtoj, nuk di ç’të them,
por nuk flas dot me tallje e ironi,
është pabesi, padashuri,
Njëri-tjetrin më s’e ndjejmë,
prandaj jemi bosh, pa botë,
dje ne ishim si fshati,
e sot fshati është si ne! Isidor Koti
Asnjëherë
Doja, dua dhe do të të dua
Si ta them që ta kuptosh
Asnjëherë s’më ke kuptuar
Si unë s’mund të dashurosh…
Sikur ta dije sa të dua
E si të dua sikur të dish
Nuk do luaje me mua
Do kërkoje pranë t’më vish.
Lërmë më mirë në botën time
Lërmë me heshtjen shoqëri
Kjo ish’ dashuria ime
Ajo që kurrë s’kuptove ti… Bledi Ylli
Ti, vetëm ti!
Nuk mund të them si ndjehem mbrëmjeve pa ty
Ku dielli braktis bukur, atë të fundit ngjyrë
Kur dhe neonët ndizen, si njerëz ngjajnë pa sy
Dhe pemët gjysëm-duken, si njerëz pa fytyrë!
Më pyet ka njerëz rruga? Ka si jo, gjithmonë
Rendin, i tremb nata dhe zënë folenë e tyre
Unë që endem rrugëve, pres të bëhet vonë
Më pëlqejnë të gjitha, nuancat e kësaj ngjyre!
Kur hëna nxjerrë fytyrën në qiell si medalion
Neonët e venitur, më shumë marrin fuqi
Letra përmes këmbësh, më tepër zbardhëllon
Atëherë me gërma-shpirti, atë filloj të nxij…
Personazhi i letrave, i gërmave nën neonë
Monologon prej vitesh, ti dhe vetëm ti!
Dashuri e vjetër, por që nuk harron
Ndaj edhe unë të shkruaj e vjetër dashuri! Bledi Ylli
Falmi…!
Më fal buzën, më fal zemrën
Syrin e kaltër, ti më fal
Të më kthesh mua gëzimin
Moj e bukura pa masë!
S’jam i marrë, por jam viktimë
Jam viktimë e dashurisë
Moj e bukura si zanë
Më je kulmi i ëmbëlsisë!
Më fal gushën sy e vetull
Më mbështet në gjoksin tënd
Më e bukura flutur
Se s’më zë vendi në vend!
S’jam i marrë, jam dashuruar
Dhe për ktë nuk bëj mëkat
Falmi goce se i dua
Moj e bukura për merak! Jahe FIDA
Puthja jote
Puthja jote
Është mall për mua
Mbi buzën time
Ajo ka qëndruar si vel
Ku asnjë tjetër
Me puthje
Atë nuk mund ta shkelë. Thodhori Cerro
Lumturia
Lumturia ëndërr e bukur
Është zemër, është edhe sy
Është ëmbëlsi e jetës
Kur fle natën bashkë me ty. Thodhori Cerro
