Përbërësit për 4 persona
80 gramë kuskus
200 ml qumësht, ose qumësht soje
200 ml pana
80 gramë kaçkavall i grirë (fakultative)
150 gramë kunguj të grirë
150 gramë karrota të grira
2 vezë
Erëza sipas dëshirës
Kripë, piper
Furra në 200 gradë celsius
Përgatitja
Në fillim përziejmë kuskusin me qumështin dhe panën. Ndërkohë që kokrrat e kuskusit fillojnë të fryhen, grijmë trashë në rende perimet dhe i hedhim në përzierje, së bashku me vezët. Shtojmë djathin dhe erëzat. Nëse doni mund të shtoni edhe pak sallam të kavërdisur. Përzierja hidhet në një tavë të lyer më parë me vaj dhe e vëmë në furrë për 25-30 minuta. Serviret si e ngrohtë, ashtu edhe e vakët.
