Kur firma e tenderave Sotheby’s lajmëroi shitjen e tij, shpalli se ishte një nga 6 diamantët që ishin klasifikuar si të përkryer, me vlerë mbi 100 karat. U tha se diamanti do të shitej të paktën 19 milionë $ dhe kishin të drejtë, pasi ai u shit për 22.4 milionë $. Diamanti kishte prerje smeraldi, ishte pa të meta dhe jashtëzakonisht i rrallë. Në fakt, ai është i vetmi diamant i përkryer me prerje smeraldi që është shitur ndonjëherë me tender dhe është dashur një vit pune për ta prerë dhe lëmuar. Guri i çmuar u vu në shitje dhe menjëherë filloi gara e ethshme për ta blerë. Ai u ble brenda vetëm tre minutave nga një blerës anonim. Çmimi i shitjes ishte ndërmjet çmimit që ishte menduar, 19-25 milionë $.
Liza Habard, përgjegjëse në firmën Sotheby’s, tha se: “Ky diamant ishte i jashtëzakonshëm në çdo drejtim dhe ne u gëzuam kur blerja e tij pati kaq sukses”. Për pak ai nuk u bë diamanti që është shitur më shtrenjtë në një tender. Këtë titull vazhdon ta mbajë diamanti Pink Star, i cili u shit dy vjet më parë në Gjenevë, për 82 milionë $. Ai nuk ishte as diamanti i bardhë që është shitur më shtrenjtë, sepse këtë vend e mban një gur 118.28 karatësh, që u shit për 30.6 milionë $ në Hong Kong, në 2013-ën.