Disa kuriozitete për ushqimet që hamë…

Zbuloni kuriozitete të ndryshme për disa nga ushqimet tuaja të preferuara, që nga kafja, çokollata e deri tek uji tonik…

1. Xhenxhefili

Ai mund të reduktojë deri në 25%, dhimbjen e muskujve, të shkaktuar nga fizkultura.

2. Xhelatina

Xhelatina që përdoret në ëmbëlsira të tilla si xhelet dhe marshmallout, prodhohet nga lëkura dhe kockat e kafshëve. Vegjetarianët mund të përdorin agar-agar, në vend të saj.

3. Koka-kola

Në vitin 1985, koka-kola ishte pija e parë që u mor nga astronautët në hapësirë.

4. Vaji i ullirit

Vaji i ullirit ndihmon në reduktimin e presionit të lartë të gjakut. Ai, gjithashtu, përmban antioksidantë, vitaminë E, karotenoidë dhe oleuropein, të cilat forcojnë sistemin imunitar të trupit.

5. Misri

Shumica e ushqimeve të përpunuara, kanë përbërës të nxjerrë nga misri.

6. Uji tonik

Kinina, e pranishme në ujin tonik, mund të ndihmojë në lehtësimin e ngërçeve të këmbëve natën, por në këtë pije, nuk ka aq kininë sa për të përzënë mushkonjat, siç mendohet.

7. Frutat e thata

Frutat e thata kanë një përqendrim të lartë të vitaminave dhe kripërave minerale, duke i bërë ato një snak të shkëlqyer (sigurisht, nëse konsumohen me masë).

8. Çokollata

Çokollata, dikur, është përdorur si monedhë.

9. Rigoni

Rigoni ka një përqindje më të lartë antioksidantësh sesa boronicat.

10. Bananet

Ato të ndihmojnë të luftosh depresionin. Ky frut përmban një sasi të lartë triptofani, i cili, në trup, kthehet në serotoninë, një neurotransmetues që të bën të ndjehesh mirë.

11. Qershitë

Ato lehtësojnë enjtjen dhe mund të të ndihmojnë të parandalosh artritin.

12. Buka

Në kohërat e lashta, buka përdorej si gomë.

13. Mollët

Mollët bëjnë pjesë në familjen e trëndafilave, ashtu si kumbullat dhe dardhat.

14. Uji i arrës së kokosit

Ai ndihmon për të luftuar çhidratimin, bile në disa raste urgjente, është përdorur si zëvendësues i plazmës së gjakut.

15. Kokoshkat

Kokoshkat e pjekura në furrën me mikrovalë, lëshojnë një gaz helmues, që dëmton mushkëritë.

16. Kafja

Sipas një studimi të publikuar në Nevv England Journal of Medicine, 2-3 filxhanë kafe në ditë, mund ta zgjasin jetëgjatësinë e burrave me 10% dhe atë të grave, me 13%.

17. Vezët biologjike

Vezët e pulave që rriten të lira, kanë 1/3 e kolesterolit dhe çerekun e yndyrnave të ngopura që kanë ato të pularive.