Përbërësit:
4 kallamarë të mëdhenj
1 tufë me majdanoz
100 gramë thërrime buke
Vaj, kripë, piper
Përgatitja:
Ndizeni furrën në 170 gradë clsius. Pastrojini kallamarët duke eliminuar organet e brendshme dhe gojën. Tentakulat pritini në copa të vogla dhe vërini në një pjatë. Lani dhe prisni trashë majdanozin. Në pjatën ku keni vënë tentakulat, hidhni majdanozin, thërrimet e bukës, vaj me bollëk, kripë dhe piper. Përziejini të gjitha së bashku derisa të merrni një masë homogjene. Me gjysmën e kësaj përzierjeje, mbushni kallamarët nga brenda. Mos e teproni, nuk duhet të mbushen me tepri. Rrotullojini kallamarët në përzierjen e mbetur dhe vërini në distancë nga njëri-tjetri, në një tepsi. Nëse ngelet ende nga përzierja, hidheni në sipërfaqen e kallamarëve. Futeni në furrën e nxehtë për 25-30 minuta. Është një recetë e thjeshtë dhe që mund të realizohet nga të gjithë. Pastaj, të gjithëve u pëlqejnë kallamarët, apo jo?
