– Përshëndetje të gjithëve, mesazhi im është ndryshe nga të tjerët. Flet për një dashuri të vjetër. Kur isha 15 vjeç, erdha dhe banova në Tiranë, sepse unë jam kosovar. Tek lagjia ime ishin dy vajza, nuk kishte fjalë që mund ti përshkruaje aq të bukura ishin. Mua që në fillim, njëra nga këto të dyja më pëlqeu shumë. Fillova të rrija me të, madje dilja me të dhe luanim dhe futboll bashkë. Unë e adhuroja atë vajzë, por nuk mundem të them të njëjtën gjë për atë, unë e doja, por se di nëse ajo më donte, apo më shikonte thjeshtë si shok. Para se të ikja prej lagjes, unë e përshëndeta për herë të fundit duke e puthur në faqe, ishin momentet më të bukura, edhe pse ajo nuk më puthi. Unë sot jam 17 vjeç dhe akoma e dashuroj atë femër. Edhe pse mundem të gjej femër tjetër, ajo për mua do të jetë ëndrra ime. Ndaj marr mundimin t’ju pyes, a ta kërkoj atë vajzë? Ndoshta ajo është lidhur me dikë tjetër dhe më ka harru, por a duhet ta bëj unë një kërkim rreth saj, sepse më ngelet peng? Ju si do të vepronit?
