Nuk më jep efekt viagra!

– I nderuar doktor Evi, së pari, ju përshëndes! Jam një burrë 60 vjeç, që kohët e fundit kam rënie të ndjeshme të potencës seksuale. Për këtë kam përdorur viagra, levitra dhe cialis, por nuk më kanë dhënë efekt. Çfarë medikamentesh të tjera alternative të kësaj natyre mund të përdor apo çfarë më rekomandoni?
Dr. Evi Dani, seksolog-androlog: – I nderuar zotëri, impotenca seksuale është një nga patologjitë që ka një prevalencë të lartë dhe e gjejmë shpesh në këtë moshë. Shkaqet për të janë të shumta, por unë them që, për fat të mirë, në pjesën më të madhe, ato janë të kurueshme. Shumë pacientë të kësaj moshe nuk konsultohen me mjekun dhe shkojnë direkt në farmaci duke përdorur pothuajse të gjitha preparatet që përdoren për këtë rast, siç keni bërë edhe ju.
– Kjo jo vetëm që mund të sjellë moskurimin e mirë të kësaj patologjie, por mund të rrezikojë shumë edhe vetë shëndetin në përgjithësi dhe mund të shkojë gjer në raste fatale, në veçanti. Prandaj, ju sugjeroj të më kontaktoni dhe të mos i merrni këto ilaçe ashtu kot te farmacisti, pa u konsultuar me mjekun. Më kontaktoni dhe të gjitha gjërat do të shkojnë shumë mirë.