Zbulimi i asteroidit të madh, të quajtur 2013 TV135, përmasat e të cilit, arrijnë deri në 400 metra, u konfirmua nga NASA. Sipas mendimit të shkencëtarëve të NASA-s dhe të shumë vendeve të tjeta të botës, ai do t’i afrohet planetit tonë në muajin gusht të vitit 2032. Mundësitë e përplasjes, pas llogarive të fundit, arrijnë deri në pesë herë më shumë sesa mendohej përpara. Po kështu, shkencëtarët e NASA-s njoftojnë se llogaritjet e deritanishme nuk janë përfundimtare dhe distancat e orbitës mund të lëvizin, kështu që edhe mundësitë e afrimit apo largimit të tij, gjithashtu, ka mundësi të ndryshojnë.
Shkencëtarët mendojnë se në rastin e përplasjes me Tokën, ai mund të çlirojë një forcë shpërthimi prej dy mijë e 500 megatonësh, që është 125 mijë herë më e madhe sesa ajo e bombave atomike të hedhura nga SHBA-ja në Nagasaki dhe në Hiroshimë, në vitin 1945.
