Gruaja ime ka kist në vezore

– Jam një zotëri nga Korça, i martuar. Gruaja ime ka një kist në vezore dhe rrezikon të mos mbetet shtatzënë. Si mund të mjekohet ajo? Ju lutem, më ktheni përgjigje këtë javë.
Dr. Evi Dani, seksolog-androlog: – Një nga patologjitë që bëhet shkak edhe për uljen e aftësisë fekonduese të femrave është dhe ovari policistik. Kjo patologji konsiston në çrregullimet hormonale dhe për pasojë, kemi formimin e folikëve. Por, këta folikuj nuk shkojnë deri në fazën përfundimtare, pra, në pjekjen e vezes. Kjo patologji konsiston edhe në shtimin e androgjenikëve dhe, për pasojë, femrat do të kenë shtimin e qimëzimit në mustaqe, në pjesën e brendshme të kofshës apo në pjesën e barkut. Mjekimi konsiston në rregullimin e këtij disfunksioni dhe në arritjen e një shtatzanie. Sidoqoftë, ju këshilloj të kontaktoni me një gjinekolog, i cili do të përcaktojë fazën e sëmundjes dhe do t’ju japë mjekimin e përshtatshëm.